Dünyanın üçüncü ən böyük avtomobil istehsalçısının satışı azalıb

Stellantis-in satışları əsasən Şimali Amerikada satışların azalması səbəbindən birinci rübdə 9 faiz düşüb.

Dünyanın üçüncü ən böyük avtomobil istehsalçısının satışı azalıb

Dünyanın üçüncü ən böyük avtomobil istehsalçısı olan Stellantis-in 2025-ci ilin birinci rüb üzrə açıqladığı satış rəqəmlərinə görə, şirkətin avtomobil satışları ötən ilin eyni dövrü ilə müqayisədə yanvar-mart dövründə 9 faiz azalaraq 1,2 milyon ədəd olub.

Marja xəbər verir ki, Şirkətin Avropadan sonra ikinci ən əhəmiyyətli bazarı olan Şimali Amerikada satışları 20 faiz azalaraq 325 minə düşüb.

VTB-də minimal faiz dərəcəsi ilə nağd kredit 10.49%-dən

Stellantis bu bölgədəki azalmanı istehsalı yavaşlatan uzun bayram mövsümü ilə əlaqələndirib.

Şirkətin açıqlamasında qeyd olunub ki, mart ayında Şimali Amerika bölgəsindəki müştərilərdən gələn sifarişlər 2023-cü ilin iyul ayından bəri ən yaxşı səviyyədə olub.

Şirkətin ən böyük bazarı olan Avropada satışları 8 faiz azalaraq 568 minə düşüb.

İstehsalçının Çin, Hindistan və Asiya Sakit Okean regionunda satışları eyni dövrdə 20 faiz azalıb, Cənubi Amerikada isə 19 faiz artıb.

Stellantis şirkəti Abarth, Alfa Romeo, Chrysler, Citroën, Dodge, DS, Fiat, Jeep, Lancia, Maserati, Opel, Peugeot, Ram ve Vauxhall markalarının sahibidir.

11.04.2025 16:11