Trampın tariflərindən ən çox “Toyota” zərər çəkəcək - PROQNOZ

Trampın tariflərindən ən çox “Toyota” zərər çəkəcək - PROQNOZ

Trampın tariflərindən ən çox “Toyota” zərər çəkəcək - PROQNOZ

ABŞ prezidenti Donald Trampın tarifləri Asiya avtomobil istehsalçılarına ciddi təsir edəcək və mütəxəssislərin proqnozlarına əsasən, ən böyük zərəri “Toyota” görəcək.

ABŞ-ın avtomobil idxalına tətbiq etdiyi yeni tariflər Asiya avtomobil istehsalçılarını çətin vəziyyətə salıb və şirkətlər gömrük rüsumlarının tətbiq olunmasından əvvəl təzyiq ilə üzləşiblər.

Tramp daha əvvəl ABŞ-da istehsal olunmayan avtomobillərə 25%-lik gömrük rüsumu tətbiq edəcəyini açıqlamışdı. Bu bəyanat qlobal avtomobil sənayesində ciddi narahatlığa səbəb olub. “Toyota”-nın səhmləri qərardan sonra üç ticarət sessiyası ərzində 9.4%, “Nissan”-ın səhmləri 9.3%, Cənubi Koreyanın “Hyundai” şirkətinin səhmləri isə 11.2% ucuzlaşıb.

Xüsusilə, Yapon avtomobil istehsalçıları ağır vəziyyətdədir və mütəxəssislər “Toyota”-nın ABŞ-da yüksək satış göstəricilərinə görə ən çox təsirlənəcəyini ehtimal edirlər.

ABŞ avtomobil bazarı üzrə analitik mərkəzlərin məlumatına əsasən, 2024-cü ildə Asiya avtomobil istehsalçıları ABŞ-da ən çox satış edən səkkiz istehsalçıdan altısına çevriliblər. “Toyota” isə “Ford” və “Chevrolet” kimi yerli nəhəngləri geridə qoymaqla 1.98 milyon avtomobil satışı ilə lider olub.

“Tayota”-nın səhmlərinin qiyməti mart ayı ərzində beynəlxalq birjalarda 193.50$ səviyyəsindən 173.20$ səviyyəsinədək ucuzlaşıb.

02.04.2025 10:33