Tramp İran və Rusiyanı yeni sanksiyalar ilə hədələyib

Tramp İran və Rusiyanı yeni sanksiyalar ilə hədələyib

ABŞ prezidenti Donald Tramp İranı "razılığa gəlmədiyi təqdirdə" yeni sanksiyalarla hədələyib.

Tramp İran və Rusiyanı yeni sanksiyalar ilə hədələyib

ABŞ prezidenti Donald Tramp İranın nüvə razılaşmasına nail olub-olmamasından asılı olaraq əlavə sanksiyaların tətbiq ediləcəyini deyib.

Marja xəbər verir ki, ABŞ prezidenti DOnald Tramp həftəsonunu keçirdiyi Floridadan Vaşinqtona qayıdarkən təyyarəsində mətbuat mənsubları ilə cari hadisələr barədə sualları cavablandırıb.

Tramp İrana qarşı əlavə sanksiyaların tətbiq edilib-edilməyəcəyi ilə bağlı sualı cavablandırarkən deyib: “İrana qarşı bir neçə əlavə sanksiya planımız var. Bizim İrana qarşı əlavə tariflərimiz var və hər hansı bir irəliləyiş görməsək, bir neçə həftə ərzində onları tətbiq edəcəyik. Hazırda onları tətbiq etmirik".

"Biz İrana əlavə rüsumları ona görə nəzərdə tuturuq ki, onlar razılaşırlar, ya yox. Əgər onlar razılaşsalar, o zaman biz heç vaxt yeni tariflər tətbiq etməyəcəyik",- Tramp əlavə edib.

İranın razılığa gəlməsinə üstünlük verəcəyini vurğulayan Tramp əks halda bunun Tehran üçün yaxşı olmayacağını bildirib.

Tramp əlavə edib ki, o, İran administrasiyasının nüvə məsələsində razılaşma əldə edəcəyinə inanır.

O, Rusiya prezidenti Putini də hədələyib

Tramp Rusiya prezidenti Vladimir Putinin Ukrayna ilə danışıqların baş tutması üçün “Ukraynada qanuni administrasiyanın olması lazımdır” açıqlamasına “çox qəzəbli” olduğunu bildirib və bu açıqlamanın “doğru olmadığını” bildirib.

Tramp, Moskvanın səhvi hesab etdiyi müharibəni dayandırmaq üçün Rusiya ilə razılığa gələ bilməsə, Rusiya neftinə “ikinci dərəcəli tariflər tətbiq edəcəyi” barədə xəbərdarlıq edib:“Bu o deməkdir ki, əgər siz Rusiyadan neft alsanız, ABŞ-da bizneslə məşğul ola bilməyəcəksiniz".

Tramp qeyd edib ki, atəşkəs razılaşması olmazsa, bu sanksiyalar bir ay ərzində qüvvəyə minəcək.

31.03.2025 11:46

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az