Audi ağır zərbə alır - 7500 iş yerini ixtisar edəcək

Audi ağır zərbə alır - 7500 iş yerini ixtisar edəcək

Audi: Şərtlər ağırlaşır, rəqabət təzyiqini hiss edirik, böyük çətinliklər yaranıb - 7500 iş yerini ixtisar edəcəyik.

Audi ağır zərbə alır - 7500 iş yerini ixtisar edəcək

Avtomobil istehsalçısı, Volkswagen Qrupunun (VW) lüks avtomobil markası olan Audi, 2029-cu ilə qədər Almaniyada idarəetmə və inkişaf kimi sahələrdə iş yerlərini ixtisar edəcəyini açıqlayıb.

Marja xəbər verir ki, Audi açıqlamasında iqtisadi şərtlərin getdikcə çətinləşdiyini, rəqabət təzyiqi və siyasi qeyri-müəyyənliyin şirkətdə böyük çətinliklərə səbəb olduğunu və bunlara görə təxminən 7500 nəfəri işdən çıxaracağını qeyd edib.

VTB-də yüksək depozit faizləri daha çox qazandırır

Almaniyadakı zavodların gələcəyə hazır və rəqabətədavamlı olmasını təmin etmək üçün, Audi-nin 2029-cu ilə qədər 7500-ə yaxın iş yerinin ixtisar edilməsi barədə artıq qərar qəbul edildiyi bildirilib.

Şirkət illik kadr xərclərini 1 milyard avro azaltmağı hədəfləyir.

Audi növbəti 4 il ərzində Almaniyadakı zavodlarına ümumilikdə 8 milyard avro sərmayə yatıracaq.

Bundan əlavə, işçilərə əlavə ödənişlərin yenidən tənzimlənməsi hesabına əməkhaqqı xərcləri azaldılacaq.

Audi 2019-cu ildən bəri istehsalda təxminən 9500 nəfəri işdən çıxarıb və iki zavodunun gücünü əhəmiyyətli dərəcədə azaldıb.

Almaniyanın dəbdəbəli avtomobil istehsalçısı, xüsusən də elektrik avtomobillərinə olan tələbatın zəifləməsindən ağır zərbə alır. Şirkət Brüsseldəki zavodunu bağlamaq qərarına gəlmişdir.

Audi-nin ana şirkəti Volkswagen də 2024-cü ilin dekabrında 35 min iş yerinin ixtisar edilməsini əhatə edən xərclərin azaldılması proqramına başlayıb.

18.03.2025 13:57

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az