Toyota yeni C-HR+ krossoverini təqdim etdi

Toyota yeni C-HR+ krossoverini təqdim etdi

Toyota yeni C-HR+ krossoverini təqdim etdi

Yaponiyanın Toyota şirkəti yeni C-HR+ krossoverini təqdim edib.

Marja.az xəbər verir ki, hazırda avtomobil yalnız Avropa bazarı üçün debüt edib. Modelin satışına bu ilin sonunda başlanacaq. Yaponlar hələlik yeni məhsulun qiymətlərini açıqlamayıblar.

Adında + prefiksi olan krossover ölçülərdə "adi" C-HR-dən bir qədər böyükdür və ən əsası, yalnız elektrik mühərriki ilə təchiz edilmişdir.

Köhnə modeldən fərqli olaraq, Toyota C-HR+ ilk növbədə hələ uşağı olmayan gənc auditoriyaya yönəlib.

Toyota C-HR+-ın əsas versiyası 167 at gücünə malik, ön oxa quraşdırılmış bir elektrik mühərrik ilə təchiz olunur. Elektromobilin yürüş məsafəsi 455 km-dir. Model 100 km/saat sürəti 8,6 saniyəyə yığa bilir.

Həmçinin krossover 224 at gücündə elektrik mühərriki ilə modifikasiyaya malikdir. Bu versiya bir şarjla 600 km yol qət edə və 100 km/saata 7,4 saniyəyə sürətlənə bilər.

Krossover tam ötürücülü modifikasiyaya malikdir, onun ümumi gücü 343 at gücünə bərabərdir. Ən yüksək səviyyəli Toyota C-HR+-ın yürüş məsafəsi 525 kilometrdir. Bu krossover üçün 100 km/saat sürətlənmə cəmi 5,2 saniyə çəkir.