ABŞ Kolumbiyaya qarşı rüsum və sanksiya tətbiq etməyi dayandırıb

ABŞ Kolumbiyaya qarşı rüsum və sanksiya tətbiq etməyi dayandırıb

Razılaşmadan sonra ABŞ Kolumbiyaya qarşı tarifləri və sanksiya planını dayandırıb.

ABŞ Kolumbiyaya qarşı rüsum və sanksiya tətbiq etməyi dayandırıb

Ağ Ev Kolumbiyanın ABŞ tərəfindən deportasiya edilən qeyri-qanuni mühacirləri daşıyan təyyarələrin hava yolu ilə enişini qəbul etdiyini açıqlayıb.

Marja.az xəbər verir ki, Ağ Evin sözçüsü Karolin Leavitt iki ölkə arasında gərginliyə səbəb olan qeyri-qanuni miqrasiya məsələsi ilə bağlı açıqlama verib.

VTB-də minimal faiz dərəcəsi ilə nağd kredit 10.49%-dən

Leavitt bildirib ki, Kolumbiya hökuməti ABŞ prezidenti Donald Trampın ABŞ-a ekstradisiya edilən bütün “qanunsuz əcnəbilər”in məhdudiyyətsiz və gecikmədən ölkəyə qəbulu ilə bağlı bütün şərtlərini qəbul edib.

Sözçüsü Leavitt, Kolumbiyadan gələn bütün mallara 25 faiz gömrük rüsumunu nəzərdə tutan və bu nisbəti bir həftə ərzində 50%-ə qaldıran göstərişin "ehtiyat tədbiri olaraq saxlanılacağını və imzalanmayacağını" söyləyib

NƏ BAŞ VERİB?

Kolumbiya prezidenti Qustavo Petro ABŞ-dan deportasiya edilən kolumbiyalı mühacirləri daşıyan təyyarələrin ölkəyə enməsinə icazə verməyib.

Petro sosial media hesabından verdiyi açıqlamada, "ABŞ kolumbiyalı mühacirlərə cinayətkar kimi baxa bilməz. Kolumbiyalı mühacirləri daşıyan ABŞ təyyarələrinin ərazimizə girməsinə icazə vermirəm. Biz immiqrantları qəbul etməzdən əvvəl, ABŞ onlara ləyaqətlə yanaşmaq üçün protokol yaratmalıdır", - deyib.

ABŞ prezidenti Donald Tramp isə ABŞ-dan olan kolumbiyalı mühacirləri daşıyan təyyarələrin ölkəyə enməsinə icazə vermədiyi üçün Kolumbiyaya tariflər və sanksiyaların tətbiq edilməsi barədə qərar qəbul edib.

Kolumbiyadan ABŞ-a daxil olan bütün mallara dərhal 25 faiz gömrük rüsumunun tətbiq ediləcəyini qeyd edən Tramp, bir həftə ərzində bu nisbətin 50 faizə qaldırılacağını vurğulayıb.

ABŞ Kolumbiya hökumət rəsmiləri və onların yaxın ailə üzvləri üçün vizaların məhdudlaşdırılmasına (sanksiya) qərar verdiyini də açıqlamışdı.

Petro "X", sosial media hesabından verdiyi açıqlamada Trampın gömrük rüsumuna cavab verəcəyini açıqlamışdı.

27.01.2025 09:00

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az