Mərkəzi Bankda rəhbər vəzifələrə yeni təyinatlar olub

Mərkəzi Bankda rəhbər vəzifələrə yeni təyinatlar olub

Mərkəzi Bankda rəhbər vəzifələrə yeni təyinatlar olub

Azərbaycan Mərkəzi Bankında (AMB) baş direktor və sədrin müşaviri vəzifələrinə yeni təyinatlar olub.

Məlumata görə, Fuad İsayev baş direktor, Ülvin Əliyev isə sədrin müşaviri təyin edilib.

Bununla da, baş direktorların sayı 6-ya, sədrin müşavirlərinin sayı isə 4-ə çatıb.

F.İsayev əmək fəaliyyətinə 2005-ci ildə AMB-də başlayıb və son təyinata qədər qurumun Kredit təşkilatlarının fəaliyyətinə nəzarət departamentinin direktoru işləyib.

Ü.Əliyev isə əmək fəaliyyətinə 2009-cu ildə turizm sektorunda başlayıb, ardınca “Moody International LTD” şirkətində, “Azercell Telecom” MMC-də, “PAŞA Bank” ASC-də çalışıb, 2022-ci ildən isə AMB-də müxtəlif vəzifələrdə, son təyinata qədər isə Sədrin ofisi departamentinin direktoru işləyib.

Fotoda Fuad İsayev və Ülvin Əliyev

XXX

Azərbaycan Mərkəzi Bankının (AMB) strukturunda bəzi dəyişikliklər də olub.

Bu barədə AMB-dən bildirilib.

Məlumata görə, Bankların fəaliyyətinə nəzarət, Bank olmayan kredit təşkilatlarının fəaliyyətinə nəzarət və Beynəlxalq əməkdaşlıq və kommunikasiya departamentləri yaradılıb. Bankların fəaliyyətinə nəzarət departamentinə Rzayev Samir Eyvaz oğlu, Bank olmayan kredit təşkilatlarının fəaliyyətinə nəzarət departamentinə isə İsmayılov Xəyyam Osman oğlu direktor təyin edilib.

Həmçinin, Sədrin ofisi şöbəsinə Dosduzadə Xanım Nüsrət qızı rəis təyin edilib, Maliyyə monitorinqi departamentinin direktoru vəzifəsində isə Samir Rzayevin əvəzinə Abdullayev Orxan Adil oğlu təyin edilib.

Bundan əlavə, Kredit təşkilatlarının fəaliyyətinə nəzarət departamenti ləğv edilib. Ödəniş sistemləri və hesablaşmalar departamentinin direktoru Səbziyev Fuad Elxan oğlu isə vəzifəsindən ayrılıb.

Mərkəzi Bankdan Marja.az-a bildirilib ki, Fuad Səbziyevin vəzigəsindən azad olunması ilə bağlı xəbər yalnışdır: "Fuad Səbziyev Mərkəzi Bankdadır və direktor müavini olaraq fəaliyyətini davam etdirir. Həmçinin İT idarəetmə və arxitektura şöbəsi də ləğv olunmayıb, sadəcə saytdan (cbar.az - red) çıxarılıb".

Fuad İsayev Ülvin Əliyev Rzayev Samir İsmayılov Xəyyam Dosduzadə Xanım Abdullayev Orxan

07.01.2025 09:51

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az