2024-cü ildə kibercinayətkarlar tərəfindən "Kapital Bank"ın 140 min müştərisinin vəsaitlərinin mənimsənilməsi üçün 200 min sayda hücum cəhdi olub. 

Marja.az xəbər verir ki, bunu "Kapital Bank" ASC-də İdarə Heyətinin üzvü, Baş Risk İnzibatçısı Cavid Mirzəyev 2024-cü ilin 11 ayının nəticələri və 2025-ci ilin planlarına dair mətbuat konfransında bildirib.

O qeyd edib ki, "Kapital Bank"ın kibertəhlükəsizlik tədbirləri sayəsində hücmların qarşısı qarşısı alınıb. 

"2023-cü illə müqayisədə 2024-cü ildə kiber hücumların sayı 2 dəfə artıb. Bu il 100 sayt bizim müraciətimiz əsasında  bloklanıb", - Cavid Mirzəyev qeyd edib.

Onun sözlərinə görə, dələduzluq ssenariləri ilə üzləşən müştərilər maliyyə itkiləri ilə də qarşılaşırlar: “Belə halların qarşısını almaq üçün Bank hesablarına müdaxilənin qarşısını almaq məqsədilə təhlükəsizlik nəzarətləri son dərəcə təkmilləşdirilib. Bu yeniliklərin 2025-ci ilin birinci rübündə istifadəyə verilməsi planlaşdırılır. Bundan əlavə, bank məhsullarının təhlükəsizliyinin təmin olunması istiqamətində də bir sıra tədbirlər həyata keçiririk və bu sahədə 3 əsas istiqamətə fokuslanırıq: Bank tərəfindən yazılan kodun təhlükəsizliyinin təmin olunması, bankın serverlərinin əməliyyat sistemi səviyyəsində təhlükəsizliyinin təmin olunması, 7/24 kiber təhlükəsizlik üzrə nəzarət mexanizmlərinin bir çox proseslərdə yalnız manual deyil, avtomatldırılmış icrası, eləcə də bankın məhsullarının və infrastrukturunun avtomatlaşdırılmış qaydada təhlükəsizliyinin təmin edilməklə risklərin minimuma endirilməsi".

Cavid Mirzəyev edib ki, "bu istiqamətlərdə təhlükəsizlik addımlarının atılması həm bankımızı maliyyə itkilərindən qoruyur, həm də müştərilərimizin keyfiyyətli və təhlükəsiz bank xidməti almasını təmin edir”.

"Həmçinin IRM layihəsi çərçivəsində Bankda informasiya risklərinin idarə edilməsi üçün yetkinliyin yüksəldilməsi üzrə göstərici son iki ildə 2.68-dən 3.55-ə qaldırılmışdır. Belə ki, qabaqcıl təcrübələrə əsasən Avropa banklarında bu göstərici 3.5-dən yuxarı olması tövsiyə olunur. Eləcə də Birbank mobil tətbiq və bankın rəsmi sosial media platformalarında müxtəlif formatlarda (video, post, story) müştəri təhlükəsizliyi istiqamətində hər rüb məlumatlandırma aparılmış, müştərilərin kiber ayıq-sayıqlıq səviyyəsi artırılmaqdadır",- Cavid Mirzəyev əlavə edib.