"Bank Avrasiya"nın kredit portfeli kiçilib, xalis mənfəəti azalıb

"Bank Avrasiya"nın kredit portfeli kiçilib, xalis mənfəəti azalıb

5,176

"Bank Avrasiya"nın kredit portfeli kiçilib, xalis mənfəəti azalıb

"Bank Avrasiya" ASC 2024-cü ilin 9 ayını (yanvar-sentyabr) 3 milyon 484 min manat xalis mənfəət ilə başa vurub. Bank ötən ilin eyni dövrünü 3 milyon 953 min manat xalis mənfəət ilə bağlamışdı. Beləkilə, "Bank Avrasiya" ASC-nin xalis mənfəəti 2023-cü ilin 9 ayı ilə müqayisədə 2024-cü ilin 9 ayı ərzində 469 min manat və ya 11,9% azalıb.

GƏLİRLƏRİ AZALIB

VTB-də minimal faiz dərəcəsi ilə nağd kredit 9.9%-dən

Marja.az Bankın rüblük hesabatlarına istinadən xəbər verir ki, "Bank Avrasiya"nın faiz gəlirləri 2023-cü ilin 9 ayında 12 milyon 217 min manat ikən, 2024-cü ilin 9 ayında 11 milyon 194 min manata düşüb. Bankın qeyri-faiz gəlirləri isə 1 milyon 725 min manatdan 1 milyon 860 min manata yüksəlib.

"Bank Avrasiya"nın əməliyyat mənfəəti 528 min manat və ya 10,2% azalaraq 4 milyon 648 min manata düşüb. Ötən ilin 9 ayında Bankın əməliyyat mənfəəti 5 milyon 176 min manat təşkil etmişdi.

KREDİT PORTFELİ KİÇİLİB

30 sentyabr 2023-cü il tarixi ilə müqayisədə, "Bank Avrasiya"nın kredit portfeli (müştərilərə verilmiş kreditlər) 5 milyon 423 min manat və ya 3,8% azalaraq 30 sentyabr 2024-cü il tarixində 136 milyon 819 min manat təşkil edib.

30 sentyabr 2024-cü il tarixində "Bank Avrasiya" 204 milyon 720 min manat cəmi aktivlərə malik olub. Bank 30 sentyabr 2023-cü il tarixində 202 miylon 244 min manat cəmi aktivlərə malik idi. Bankın depozit portfeli isə 1 milyon 502 min manat artaraq 66 milyon 810 min manata çatıb.

MƏCMU KAPİTALI ARTIB

30 sentyabr 2024-cü il tarixində "Bank Avrasiya" ASC 83 milyon 4 min manat məcmu kapitala malik olub. Bank ötən ilin eyni tarixində 77 milyon 78 min manat məcmu kapitala malik idi.