Bank Respublika üçüncü rübdə bütün göstəricilər üzrə artım nümayiş etdirib

Bank Respublika üçüncü rübdə bütün göstəricilər üzrə artım nümayiş etdirib

Bankın xalis mənfəəti 53% artaraq 39,2 milyon manat təşkil edib.

Bank Respublika üçüncü rübdə bütün göstəricilər üzrə artım nümayiş etdirib

Ölkənin ən böyük banklarından biri olan Bank Respublika, 2024-cü ilin üçüncü rübü üzrə maliyyə nəticələrini açıqlayıb.

Bankın yaydığı press-relizdə bildirilir ki, Bank dinamik inkişafını davam etdirərək, ölkənin bank sektorunun liderlərindən biri statusunu möhkəmləndirib.

VTB-də minimal faiz dərəcəsi ilə nağd kredit 9.9%-dən

Qeyd edilib ki, Bank ötən ilin analoji dövrü ilə müqayisədə bütün maliyyə göstəriciləri üzrə artım nümayiş etdirərək nəzərəçarpacaq müsbət nəticələr əldə edib:

- Bankın aktivləri 15% artaraq 2,2 milyard manat təşkil edib ki, bu da ölkə bankları arasında ən yüksək göstəricilərdən biridir.

- Bankın məcmu kapitalı 38% artaraq 206,7 milyon manat təşkil etmiş və minimum məcmu kapital normasını 3 dəfədən çox üstələmişdir.

- Bankın kredit portfeli 25% artaraq 1,4 milyard manata çatıb.

- Bankın depozit portfeli 12% artaraq 1,3 milyard manat təşkil edib.

- Bankın xalis faiz gəlirləri 30%-dən çox artaraq 109,43 milyon manata çatıb.

- Bankın xalis əməliyyat mənfəəti 46%-dən çox artaraq 52,1 milyon manata çatıb.

- Bankın xalis mənfəəti 53% artaraq 39,2 milyon manat təşkil edib.

- I dərəcəli kapitalın adekvatlıq əmsalı - 9,58% (norma 6%)

- Məcmu kapitalın adekvatlıq əmsalı - 13,66% (norma 12%)

- Leverec əmsalı - 6,68% (norma 5%)

Bank Respublika 1992-ci ildə yaradılıb və Azərbaycanın aparıcı beş bankından biridir. Bankın səhmdarları arasında Almaniyanın ən böyük maliyyə qurumlarından biri olan - Sparkassen International Development Trust (Sparkassen-Finanzgruppe maliyyə qrupunun üzvü) var.

11.10.2024 11:13