Volkswagen-dən səs salacaq Almaniya qərarı

Volkswagen-dən səs salacaq Almaniya qərarı

Volkswagen-dən səs salacaq Almaniya qərarı

Almaniyanın avtomobil nəhəngi "Volkswagen"in artan xərclər səbəbindən Almaniyadakı bəzi zavodlarını bağlamağı planlaşdırdığı bildirilir.

Marja.az xəbər verir ki, gözlənilən bağlanma Almaniyada şirkətin 87 illik tarixində bir ilk olacaq.

Görüləcək tədbirlərə "Volkswagen" şirkətinin həmkarlar ittifaqları ilə məşğulluğu 2029-cu ilə qədər iş yerlərinin qorunması ilə bağlı müqaviləsinin ləğvi də daxildir.

“Bloomberg” agentliyi avtomobil istehsalçısına istinadən məlumat yayıb ki, "Volkswagen” şirkəti Almaniyadakı zavodlarını zərərlə işlədiyinə görə bağlamağı nəzərdən keçirir.

“İqtisadi vəziyyət daha da çətinləşib və Avropaya yeni oyunçular gəlir. Almaniya biznes məkanı kimi rəqabətqabiliyyətlilik baxımından getdikcə daha çox geri qalır”, - “Volkswagen”in baş icraçı direktoru Oliver Blume deyib.

Qeyd edilir ki, şirkət Almaniyada azı bir iri avtomobil istehsalı zavodunu və bir də ehtiyat hissələrin istehsalı ilə məşğul olan zavodunu bağlamağı planlaşdırır, həmçinin həmkarlar ittifaqları ilə 2029-cu ilə qədər iş yerlərinin qorunması ilə bağlı müqaviləni ləğv etməyə çalışır. Agentlik iddia edir ki, planlar təsdiq olunsa, bu, şirkətin 87 illik tarixində Almaniyada avtomobil zavodlarının bağlanmasına dair ilk hal olacaq.

“Volkswagen”də dünya üzrə təxminən 650 min işçi çalışır ki, onlardan 300 mini Almaniyadadır.

03.09.2024 09:55