Vergi işçilərinin xüsusi rütbələr üzrə maaşları artırılır

Vergi işçilərinin xüsusi rütbələr üzrə maaşları artırılır

Vergi işçilərinin xüsusi rütbələr üzrə maaşları artırılır

İqtisadiyyat Nazirliyi yanında Dövlət Vergi Xidmətinin vəzifəli şəxslərinin xüsusi rütbələr üzrə maaşları artırılması nəzərdə tutulub.

Bu, “Dövlət vergi orqanlarında xidmət haqqında Əsasnamə”də dəyişiklik edilməsi ilə bağlı qanun layihəsində əksini tapıb.

Yenilənəcək əsasnaməyə əsasən, həqiqi dövlət vergi xidməti müşavirinin xüsusi rütbə maaşı 60 manatdan 200 manata, I dərəcəli dövlət vergi xidməti müşavirinin xüsusi rütbə maaşı 54 manatdan 180 manata, II dərəcəli dövlət vergi xidməti müşavirinin xüsusi rütbə maaşı 51 manatdan 160 manata, III dərəcəli dövlət vergi xidməti müşavirinin (III dərəcəli dövlət ədliyyə müşaviri) xüsusi rütbə maaşı 48 manatdan 145 manata, baş vergi xidməti müşavirinin (baş ədliyyə müşaviri) xüsusi rütbə maaşı 45 manatdan 130 manata, vergi xidməti müşavirinin (ədliyyə müşaviri) xüsusi rütbə maaşı 42 manatdan 115 manata, kiçik vergi xidməti müşavirinin (kiçik ədliyyə müşaviri) xüsusi rütbə maaşı 39 manatdan 100 manata, I dərəcəli vergi müfəttişinin (I dərəcəli hüquqşünas) xüsusi rütbə maaşı 36 manatdan 80 manata, II dərəcəli vergi müfəttişinin (II dərəcəli hüquqşünas) xüsusi rütbə maaşı 33 manatdan 65 manata, III dərəcəli vergi müfəttişinin (III dərəcəli hüquqşünas) xüsusi rütbə maaşı 30 manatdan 55 manata çatdırılacaq.

Maaşlarının 3 misli qədər mükafat alacaqlar

İqtisadiyyat Nazirliyi yanında Dövlət Vergi Xidməti orqanlarının vəzifəli şəxslərinin mükafatlandırılması məqsədi ilə aylıq vəzifə maaşlarının 3 misli qədər əlavə vəsait ödəniləcək.

Bu məqsədlə, hər il növbəti il üçün təsdiq olunan dövlət büdcəsində bu orqanlar üçün vəsait nəzərə alınacaq.

Bundan başqa, vergi orqanlarının vəzifəli şəxsləri üçün elmi dərəcəyə görə əlavə ödəniləcək. Əlavələrin məbləğini müvafiq icra hakimiyyəti orqanı müəyyən edəcək.