“KredAqro” Bank Olmayan Kredit Təşkilatı 2023-cü ilin yekunlarına əsasən əsas maliyyə göstəriciləri üzrə artım dinamikasini qorumuş və bazarda mövqeyini möhkəmləndirmişdir. 

Təşkilatın yaydığı press-relizdə bildirilir ki, real sektorun və ev təsərrüfatlarının dəstəklənməsi istiqamətində aktiv fəaliyyətlərini davam etdirən “KredAqro” BOKT MMC 2023-cü ili  87 min 478 manat xalis mənfəətlə başa vurmuşdur. 

Qeyd olunur ki, 2023-ci ilin yekunlarına görə, “KredAqro”    BOKT    MMC-nin cəmi aktivləri  8 milyon 574 min 263 manat olmaqla, ötən ilin analoji dövrü ilə müqayisədə demək olar ki dəyişilməmişdir. Təşkilatın xalis kredit portfeli  5 milyon 337 min 917 manat olmuşdur.  Bu dövrdə müştərilərə verilmiş  kreditlərin həcmi 5 milyon 764 min 728 manat olmuşdur ki, bu da ötən ilki göstərici ilə müqayisədə 23% artım deməkdir.

Bu dövrdə əvvəlki ilin sonu ilə müqayisədə təşkilatın ümumi  faiz gəlirləri 1 milyon 466 min 211 manat  olmaqla 32.18 %  artmışdır.  Digər müsbət göstərici olaraq, problemli kreditlərin səviyyəsi  ötən illə müqayisədə 119 min 796 manat, yəni 2,43% nisbətində azalmışdır. 

Xüsusi qeyd olunmalıdır ki, hesabat ili ərzində təşkilatın sıx əməkdaşlıq etdiyi "Azfinans İnvestisiya Şirkəti"nin vasitəçiliyi ilə müvəffəqiyyətlə istiqrazların buraxılışı və yerləşdirilməsi baş tutmuş, o cümlədən "Kapital Bank" və "PAŞA Bank" kimi nüfuzlu maliyyə qurumları ilə uğurlu maliyyə əməkdaşlığı həyata keçirilmişdir. 

Eyni zamanda, bu dövr ərzində Təşkilatın yenilənmiş korporativ  saytı və mobil əlavəsi istifadəyə verilmiş, habelə alternativ  satış kanallarının tətbiqi kimi, online kreditləşmə layihəsi  üzrə işlərə başlanılmışdır. 

"Təşkilatın maliyyə göstəricilərinin ötən ilin analoji dövrü ilə müqayisədə əhəmiyyətli müsbət dinamikası və tətbiq edilən innovativ  həllər sayəsində qarşıdakı illərdə də bu müsbət  tendensiyaları qoruyacağı və gəlirlərinin artacağından xəbər verir",- press-relizdə qeyd edilib.   

2000-ci ildən etibarən fəaliyyət göstərən “KredAqro” BOKT MMC ölkənin müxtəlif regionlarında 11 satış nöqtəsi ilə müştərilərinin xidmətindədir və 23 illik təcrübəsi ərzində müxtəlif dövrlərdə BOKT-lar arasında lider mövqelərdə  yer almışdır. Təşkilat öz müştərilərinə biznes, şəxsi istehlak, biznes, kənd təsərüffatı, lizinq və lombard kreditlərini təklif edir. Müştərilərə göstərilən xidmətlərin keyfiyyətini müntəzəm olaraq yüksəldilməsi və bu xidmətlərin çeşid və əhatə dairəsinin genişləndirilməsi Təşkilatın əsas məqsədlərindən biridir. 

“KredAqro” BOKT MMC-nin ölkə üzrə xidmət şəbəkəsi haqqında ətraflı məlumatı keçidə daxil olaraq əldə edə bilərsiniz. “KredAqro” BOKT MMC–nin təqdim etdiyi məhsul və xidmətlərlə bağlı ətraflı məlumatı (012) 4412134  Məlumat Mərkəzinə zəng edərək, habelə Təşkiatımızın rəsmi web səhifəsini və ya sosial şəbəkələrdəki (Facebook, Instagram, və.s) səhifələrini izləyərək əldə edə bilərsiniz.