Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO), qida məhsullarının beynəlxalq qiymətlərində aylıq dəyişiklikləri izləyən FAO Ərzaq Qiymətləri İndeksinin, 2023-cü ili 2022-ci ildəki səviyyəsindən təxminən 10 faiz aşağı bağlandığını açıqlayıb.

Marja.az xəbər verir ki, FAO dekabr ayında şəkər qiymətlərinin azalması səbəbindən qlobal ərzaq qiymətlərinin 1,5 faiz azaldığını açıqlayıb.

FAO-nun yaydığı açıqlamaya görə, FAO-nun Ərzaq Qiymətləri İndeksi dekabr ayında əvvəlki ayla müqayisədə 1,5 faiz, 2022-ci ilin dekabr ayı ilə müqayisədə isə 10,1 faiz azalaraq orta hesabla 118,5 bənd təşkil edib.

FAO İndeksi Dünya ərzaq məhsullarının qiymətləri üçün etalondur.

Braziliyada güclü istehsal tempi və Hindistanda etanol istehsalı üçün şəkər qamışından istifadənin azalması ilə əlaqədar olaraq şəkər qiymətlərinin düşməsi ilə Şəkər Qiyməti İndeksi dekabr ayında noyabr ayına nisbətən 16,6% azalıb.

İndeks dekabrda doqquz ayın ən aşağı səviyyəsinə düşüb, illik müqayisədə isə 9% artıb.

Bitki Yağı Qiyməti İndeksi aylıq müqayisədə1,4 faiz azalıb. Bu azalma palma, soya və günəbaxan yağlarının alışındakı durğunluğu əks etdirir. İndeks bütün 2023-cü ildə əvvəlki ilin səviyyəsindən 32,7 faiz aşağı düşüb.

Taxıl Qiyməti İndeksi buğda, qarğıdalı, düyü və arpa qiymətlərindəki artımla aylıq müqayisədə 1,5% artıb. İndeks 2023-cü il ərzində əvvəlki ilin səviyyəsindən 15,4 faiz geriləyib.

Eyni dövrdə, FAO Süd Qiyməti İndeksi bayram mövsümü ərəfəsində Qərbi Avropada güclü daxili satışların dəstəkləndiyi kərə yağı və pendir üçün daha yüksək qiymət təklifləri ilə 1,6 faiz artıb. İndeks 2022-ci ilin dekabr ayı dəyərindən isə 16,1 faiz aşağı düşüb.

Ət Qiyməti İndeksi də donuz əti üçün davamlı zəif idxal tələbi ilə əlaqədar dekabr ayında 1 faiz düşüb. İndeks 2022-ci ilin dekabr ayındakı səviyyəsindən 1,8 faiz geriləyin.