“Masdar” şirkəti Gürcüstanda da böyük günəş elektrik stansiyası tikəcək

“Masdar” şirkəti Gürcüstanda da böyük günəş elektrik stansiyası tikəcək

“Masdar” şirkəti Gürcüstanda da böyük günəş elektrik stansiyası tikəcək

Birləşmiş Ərəb Əmirliklərinin “Masdar” dövlət şirkəti ilə Gürcüstanın Energetikanın İnkişafı Fondu arasında saziş imzalayıb.

Marja xəbər verir ki, müqavilə Gürcüstanda ən böyük günəş elektrik stansiyasının tikintisi layihəsini həyata keçirəcək birgə şirkətin yaradılmasını nəzərdə tutur.

VTB-də yüksək depozit faizləri daha çox qazandırır

Gürcüstanın iqtisadiyyat nazirinin müavini Romeo Mikautadzenin sözlərinə görə, Qardabani bələdiyyəsində tikilməsi planlaşdırılan elektrik stansiyası idxaldan asılılığı azaldacaq və elektrik enerjisi təchizatının yerli mənbələrini şaxələndirəcək. Layihə həm də bərpa olunan enerjinin inkişafı, iqlim dəyişikliyinin qarşısının alınması və ölkənin Avropa İttifaqı Assosiasiyası Sazişi üzrə üzərinə götürdüyü öhdəliklərin yerinə yetirilməsi ilə bağlı məqsədlərə nail olunmasına töhfə verəcək.

Onun sözlərinə görə, yaxın vaxtlarda Gürcüstan hökuməti ilə memorandumun imzalanması və texniki-iqtisadi əsaslandırmaların aparılması planlaşdırılır.

"Masdar"ın direktoru Məhəmməd Cəmil Əl Ramahi bildirib ki, şirkətin Gürcüstandakı tərəfdaşları ilə birgə həyata keçirdiyi layihə Gürcüstan və Birləşmiş Ərəb Əmirlikləri arasında əməkdaşlığın mühüm nümunəsidir.

"Masdar" bərpa olunan enerji sektorunda dünyanın aparıcı və ən böyük şirkətlərindən biridir. Biz sizin ölkənizdə nə qədər böyük imkanların olduğunu aydın görürük. Gürcüstan və Birləşmiş Ərəb Əmirlikləri arasında əməkdaşlıq strateji və böyük əhəmiyyət kəsb edir. Düşünürəm ki, bu gün biz regionda ən böyük günəş enerjisi layihəsinin həyata keçirilməsi istiqamətində çox mühüm addım atmışıq və ən əsası, gələcəkdə daha böyük layihələrin perspektivini görürük”, - Məhəmməd Cəmil Əl Ramahi bildirib.

Qeyd edək ki, "Masdar" şirkəti Azərbaycanda da külək və günəş elektrik stansiyaları layihələrini həyata keçirir.

30.12.2023 11:59

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az