Qlobal satınalmaların dəyəri 2013-cü ildən bəri ilk dəfə 3 trilyon dollardan aşağı düşüb

Qlobal satınalmaların dəyəri 2013-cü ildən bəri ilk dəfə 3 trilyon dollardan aşağı düşüb

Qlobal birləşmə və satınalma müqavilələrinin cəmi dəyəri 2013-cü ildən bəri ilk dəfə 3 trilyon dollardan aşağı düşüb. Sonuncu dəfə 2008-2009-cu illərdə elan edilmiş əqdlərin dəyəri iki il ardıcıl 10%-dən çox azalmşdı. Analitiklər deyirlər ki, yüksək faiz dərəcələri, geosiyasi gərginlik və tənzimləyici narahatlıqlar qlobal sövdələşmələrin artımında iki illik fasiləyə səbəb olub.

Qlobal satınalmaların dəyəri 2013-cü ildən bəri ilk dəfə 3 trilyon dollardan aşağı düşüb

"Financial Times" (FT) London Fond Birjasının (LSE) məlumatlarına istinadən yazır ki , 2023-cü ildə dünya üzrə təqribən 2,9 trilyon dollarlıq birləşmə və satınalma müqavilələri bağlanıb ki, bu da 2022-ci illə müqayisədə 17% azdır.

Marja.az nəşrə istinadən xəbər verir ki, qlobal birləşmə və satınalma əməliyyatlarının həcmi 2013-cü ildən bəri ilk dəfə olaraq 3 trilyon dollardan aşağı olub. Ardıcıl iki ildir ki, elan edilmiş əqdlərin dəyəri 2008-09-cu illərdən bəri ilk dəfə olaraq 10%-dən çox azalıb.

Əməliyyat dəyərində ən kəskin azalma Avropada baş verib – il ərzində 28%. Asiya-Sakit okean regionu ölkələrində onların həcmi 25% azalıb. ABŞ bu mənada digərlərindən daha az zərər çəkib, burada əməliyyatların məbləği 6% azalıb. Buna iki böyük enerji sövdələşməsi kömək etdi: oktyabr ayında ExxonMobil şist nefti istehsalçısı Pioneer Natural Resources-u 59,5 milyard dollara almağa razılaşıb və Chevron neft hasilatçısı "Hess Corporation"ın bütün dövriyyədə olan səhmlərini 53 milyard dollara almaq üçün müqavilə bağlayıb.

Sövdələşmənin dəyərinin azalması nəticəsində qlobal investisiya bankçılığının haqq və komissiya gəlirləri illik müqayisədə 8% azalaraq 105 milyard dollara düşüb.Birləşmə və satınalma haqları 26% azalaraq 29 milyard dollara düşüb ki, bu da 2016-cı ildən bəri ən aşağı göstəricidir.

FT, qlobal sövdələşmənin azalmasının yüksək faiz dərəcələri, geosiyasi gərginliklər və özəl kapital bazarını "soyudan" tənzimləmə narahatlıqları ilə əlaqədar olduğunu qeyd edib. Nəşr xatırladır ki, antiinhisar orqanlarının daha sərt münasibəti səbəbindən Microsoft-un Activision Blizzard ilə 75 milyard dollarlıq müqaviləsi yalnız 21 aylıq qeyri-müəyyənlikdən sonra bağlanıb. Həmçinin Adobe-ın Figma qrupunu 20 milyard dollara satın almasına xitam verilib.

29.12.2023 09:29