(®) Ölkəmizin IT tədrisi sahəsində inqilab yaradaraq, innovativ inkişafın aparıcı qüvvələrindən olan Code Academy bu il uzun fasilədən sonra “Qırılma” konsepti ilə təşkil olunan TedxBakı tədbirinin əsas dəstəkçisi oldu. 

200 nəfərə yaxın iştirakçının, 15 yerli və xarici spikerin öz təcrübələrini, yaşadıqları qırılma nöqtələrini paylaşdıqları bu platformada Amerika-Azərbaycan cəmiyyətinin sədri Tomris Azəri, türkiyəli siyasətçi – prezident seçkilərində namizəd olmuş Sinan Oğan, planetimizin ən yüksək 14 zirvəsindən 6-sını fəth etmiş İsrafil Aşurlu və digər dəyərli simalarla yanaşı Code Academy-nin təsisçisi və direktoru Ülvi Aslanov da çıxış edərək, 20 il öncə təhsilindəki qırılma anından və onun nəticəsi olaraq ölkəmizin IT tədrisi sahəsinə gətirdiyi yeniliklərdən danışıb. 

Belə ki, öz çıxışı zamanı təhsildə insana toxunmanın gücü barəsində danışan Ülvi Aslanov “Süni intellektin indi həyatımızın bir çox yerində olduğunu düşünsək, bütün sahələrdə, əsasən də təhsil sektorunda tətbiq edilən yeniliklərlə yanaşı insana toxunma gücünün hər zaman ən ümdə məsələ olduğunu unutmamalıyıq” deyə, qeyd edib.

Paylaşılan ideya və hekayələrlə şəxslərin və eləcə də, cəmiyyətlərin inkişafında xüsusi rolu olan TED lisenziyalı bu tədbirin platin sponsoru - əsas dəstəkçisi olaraq Code Academy artıq 9 ilə yaxındır ki, fəaliyyət göstərdiyi #GələcəkBurada şüarı ilə əsas missiyasına daim sadiq qaldığını göstərdi. Belə ki, Tedx səslənən fikirlər, real hekayələr cəmiyyətlərin innovativ inkişafına təkan verdiyi kimi, Code Academy də müasir dövrün tələblərinə uyğun geniş təhsil imkanları ilə insanlara və onların həyatlarına toxunaraq, müsbət dəyişiklik etməkdə davam edir. 

IT və digital dünyanın yenilik və imkanlarını davamlı olaraq araşdıran, öz tədrisində tətbiq edən, ölkəmizin əmək bazarına bu günə qədər 8000 nəfərdən çox IT mütəxəssisi qazandıran Code Academy hal-hazırda, 2000 nəfərə yaxın aktiv tələbəyə Proqramlaşdırma, IT və kibertəhlükəsizlik, Dizayn, Digital Marketinq sahələri üzrə tədris verir. Code Academy-nin fəaliyyəti ilə bağlı daha ətraflı məlumatla https://code.edu.az rəsmi veb saytına daxil olaraq tanış ola bilərsiniz.