Çinin ən böyük bankı ABŞ-da "ransomware" hücumundan əziyyət çəkib

Çinin ən böyük bankı ABŞ-da "ransomware" hücumundan əziyyət çəkib

Çinin ən böyük bankı ABŞ-da "ransomware" hücumundan əziyyət çəkib

Çin Sənaye və Ticarət Bankının (Industrial and Commercial Bank of China-ICBC) Amerika bölməsi cümə axşamı günü ABŞ dövlət istiqrazlarının ticarətini pozan "ransomware" hücumuna məruz qalıb.

Marja.az xəbər verir ki, aktivlərinə görə Çinin ən böyük kommersiya bankının ABŞ qolu olan "ICBC Financial Services" sistemlərini qismən bərpa edib.

"Ransomware" hücumlarında hakerlər qurban təşkilatının İT sistemlərini kilidləyir və onların kilidini açmaq üçün fidyə (ödəniş) tələb edir.

Bəzi ekspertlər və analitiklər, hücumun arxasında "Lockbit" kibercinayətkar qrupunun ola biləcəyini söyləyir. Lakin, adətən qrupun qurbanlarının adlarını dərc olunduğu internet saytında ICBC-yə edilən hücumdan bəhs edilməyib.

Analitiklər bildirir ki, “iri banklar tez-tez belə dağıdıcı ransomware hücumlarının qurbanı olmurlar". Bu hadisə, böyük təşkilatların, o cümlədən bankların sistemlərinin kibercinayətkarlar qarşısında nə qədər həssas qaldığını vurğulayır. Çox güman ki, insident tənzimləyicilərin diqqətini cəlb edəcək və bazar iştirakçılarının kibertəhlükəsizlik sistemlərinin etibarlılığına şübhələr yaradacaq.

ICBC çərşənbə günü dövlət istiqrazlarının ticarətini, eləcə də cümə axşamı repolarını uğurla yerinə yetirdiyini bildirib.

Ümumilikdə, bu hadisə bazarlara böyük təsir göstərməyib.

Bəzi bazar iştirakçıları qeyd etdilər ki, ICBC vasitəsilə emal edilən əməliyyatlar hücuma görə yarımçıq qalıb.

Çin Xarici İşlər Nazirliyi cümə günü bildirib ki, ICBC, ABŞ bölməsinə "ransomware" hücumu ilə əlaqədar risklər minimuma endirməyə çalışır.

Çin Sənaye və Kommersiya Bankının (ICBC) ABŞ filialına haker hücumu ABŞ Xəzinədarlıq istiqrazları bazarına təsir etməyib. Bunu ABŞ-ın maliyyə naziri Canet Yellen bildirib.

13.11.2023 07:31