"72 faiz hallarda Rubl avqust ayında ucuzlaşıb"

Ardıcıl olaraq bir neçə ticarət sessiyasında bir dollar 100 rubl psixoloji həddinə yaxınlaşıb. Cari avqustun Rusiya valyutası üçün "ölümcül" olub-olmayacağı geniş müzakirə olunur.
Marja.az xəbər verir ki, bu gün 1 dollar yenidən 97 rublu keçib. Bu, 2022-ci ilin martından bəri ən yüksək göstəricidir. Ötən il Rusiya Ukraynaya hucum etməyə başlayan zaman dollar 120 rubla çatmışdı.
Bu il ucuzlaşma tədricən olub. İlin əvvəlindən rubl dollar və avroya nisbətdə təxminən 30 faiz dəyər itirib.
Rusiyanın ən yaxın tarixində 72 faiz hallarda rubl avqust ayında ucuzlaşıb. 1998-ci ilin defoltu da avqusta düşmüşdü. Ümumiyyətlə, avqust, siyasi və iqtisadi vəziyyətdən asılı olmayaraq, valyutaya tələbin adi haldan daha aktiv olduğu məzuniyyət ayıdır.
"Buna görə də avqustda bir dollar üçün 100 rublu görəcəyimiz ehtimalı çox yüksəkdir", - maliyyə eksperti, "Economism Telegram" kanalının müəllifi Aleksey Kriçevski deyib.
"FG Finam"ın baş investisiya məsləhətçisi Timur Niqmatullin hesab edir ki, Rusiya Mərkəzi Bankının və ya digər bazar iştirakçılarının müdaxiləsi olmasa bir dolların 100 rubl həddinə çatması ehtimalı yüksəkdir.
"İndi valyuta məzənnəsi əsasən ticarət balansı ilə müəyyən edilir və bu barədə məlumatlar gecikmə ilə açıqlanır", - "Tsifra Broker"in analitiki Daniil Bolotskiy izah edir. Avqust ayında Rusiya neft hasilatını və ixracını gündəlik 500 min barel azaltmağa razılaşıb. Bu, ölkəyə daxil olan valyutanın həcminə və nəticədə rublun məzənnəsinə mənfi təsir göstərir.
"Avqustun sonuna qədər rubla artan təzyiq davam edəcək. Lakin texniki baxımdan bir dollar üçün 97,2 rubl ən güclü müqavimət səviyyəsidir. Daha yüksək mövqe qazanmağa nail olmayana qədər, bir dollar üçün 100 rubldan danışmaq tezdir", - Bolotskiy bildirib.
Qeyd olunur ki, dolların qiyməti üçrəqəmli səviyyəni keçərsə, çaxnaşma başlaya bilər. İnsanlar yığımlarının böyük hissəsini idxal olunan malları və daha çox valyuta almağa yönəldəcəklər.
"Nə qədər ki, ölkə büdcəsi rublla formalaşacaq, hakimiyyət zəif milli valyutada maraqlı olacaq", - "Synergy" Universitetinin analitik mərkəzinin eksperti Yekaterina Fedyukoviç deyib. Onun sözlərinə görə, büdcəni doldurmaq nöqteyi-nəzərindən bir dollar üçün 120 rubl 60-70 rubldan daha məntiqlidir.
Təbii ki, istəsə, Mərkəzi Bank rublun dəyərini tənzimləyə bilər, lakin analitikin fikrincə, belə bir ehtiyac yoxdur. Ümumiyyətlə, geosiyasi reallıqlar dəyişməyincə “dolların büdrəməyə heç nəyi yoxdur”, bu da rublun ucuzlaşmasının davam edəcəyi deməkdir.
"Ola bilsin ki, enerji qiymətlərinin kəskin artması ilə geri çəkilmə baş verəcək. Bu olmadan, bir dollar üçün 100 rubl və daha çoxunu görmək ehtimalı daha realdır," -ekspertlər belə qənaətə gəlirlər.
Marja.az-ın WhatsApp kanalına qoşulun və xəbərlər cibinizə gəlsin.
♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az
Müştərilərin xəbərləri
SON XƏBƏRLƏR
- 3 həftə sonra
- 1 saat əvvəl
- 1 saat əvvəl
-
-
1 saat əvvəl
Bank İpoteka kreditləri şöbəsinin Baş mütəxəssisi vəzifəsinə işə qəbul elan edir
- 1 saat əvvəl
- 1 saat əvvəl
-
2 saat əvvəl
25 hektar sahədə "yeni nəsil yaşayış kompleksi" inşa olunacaq
-
2 saat əvvəl
Azərbaycanda yonca sahələrinin sığortalanması başlandı – ŞƏRTLƏR, QİYMƏTLƏR
-
3 saat əvvəl
Gəncədə “PAŞA Bank”ın “Bilik səfəri” regional inkişaf layihəsinə qeydiyyat davam edir
-
3 saat əvvəl
“InvestAZ”dan dünya maliyyə bazarları ilə bağlı həftəlik analiz
-
3 saat əvvəl
Çinin Rusiyadan neft alması səbəbindən "cəzalandırılması" təxirə salınıb
- 3 saat əvvəl
Son Xəbərlər

Sabahın hava proqnozu açıqlandı

Bank 29-cu filialını Bərdə şəhərində açdı

Azərbaycanın premium qida markası 4-cü mağazasını açıb

“InvestAZ”dan dünya maliyyə bazarları ilə bağlı həftəlik analiz

Qlobal bazarlar Tramp-Zelenski görüşünə fokuslanıb

İxrac fəaliyyəti ilə məşğul olan sahibkarların nəzərinə

Bakıda tələbələr üçün yataqxana yaradılıb - OTAQ QİYMƏTLƏRİ

Rəsmi məzənnələr açıqlandı

Tramp-Putin görüşündən sonra neft ucuzlaşıb

“Kiyev Alyaskada Putin və Trampın sülh şərtlərini rədd edib”
