Meta-nın son rüblük hesabatına görə, Facebook-un aylıq 3 milyarddan çox aktiv istifadəçisi var.

Marja.az xəbər verir ki, Facebook, gənclər arasında populyarlığının azalmasına baxmayaraq, platforma "ölməkdən" uzaqdır.

Meta-nın WhatsApp, Instagram, Messenger və Threads-ın daxil olduğu bütün proqramlar ailəsində aylıq 3,88 milyard aktiv istifadəçi var. Bu, dünya əhalisinin təxminən yarısıdır.

Meta və onun investorları üçün əhəmiyyətli olan gündəlik aktiv istifadəçilərin sayı da artmaqda davam edib. Daha əvvəlki rübdə 2,037 milyard olan Facebook-un gündəlik aktiv istifadəçi sayı ötən rübdə 2,064 milyard təşkil edib.

Metanın gəliri ilin ikinci rübündə artıb

“Facebook”, “Instagram” və “WhatsApp”ın sahibi olan “Meta”nın gəliri bu ilin ikinci rübündə 11 faiz artaraq 32 milyard dollara çatıb.

27 iyul 2023-cü il, cümə axşamı, 06:28

Yenilənib: Cümə axşamı, 27 İyul 2023, 06:28

Metanın gəliri ilin ikinci rübündə artıb

Meta aprel-iyun dövrü üçün balans hesabatını açıqlayıb. Hesabata görə, şirkətin bu ilin ikinci rübündəki gəliri keçən ilin eyni dövrü ilə müqayisədə 11% artaraq 32 milyard dollara çatıb. Beləliklə, şirkət 2021-ci ilin son rübündən bəri ilk dəfə olaraq ikirəqəmli gəlir artımına nail olub. Meta 2022-ci ilin eyni dövründə 28,8 milyard dollar gəlir əldə etmişdi.

Meta-nın xalis mənfəəti də bu ilin ikinci rübündə 16 faiz artaraq 7,8 milyard dollara çatıb. Şirkət 2022-ci ilin ikinci rübündə 6,7 milyard dollar xalis mənfəət əldə etmişdi.

Şirkətin 2022-ci ilin ikinci rübündə 2,46 dollar olan səhmbaşına qazancı bu ilin eyni dövründə 2,98 dollara çatıb.

Meta "çətiri" altında olan Facebook-un gündəlik və aylıq aktiv istifadəçilərinin sayı bu müddət ərzində artmağa davam edib. “Facebook”un gündəlik aktiv istifadəçilərinin sayı illik müqayisədə 5 faiz artaraq iyun ayı üzrə 2,064 milyarda çatıb. Eyni dövrdə sosial şəbəkə saytının aylıq aktiv istifadəçilərinin sayı 3 faiz artaraq 3,03 milyarda yüksəlib.