Bu həftə Azərbaycan Mərkəzi Bankı növbəti faiz qərarını açıqlayacaq

Bu həftə Azərbaycan Mərkəzi Bankı növbəti faiz qərarını açıqlayacaq

Bu həftə Azərbaycan Mərkəzi Bankı növbəti faiz qərarını açıqlayacaq

Azərbaycan Mərkəzi Bankı 2023-cü ildə 5-ci dəfə faiz qərarını açıqlayacaq.

Marja.az xəbər verir ki, Azərbaycan Mərkəzi Bankı 2023-cü ildə Pul siyasəti qərarlarının ictimaiyyətə açıqlanması qrafikiniə əsasən, növbəti faiz qərarı 26 iyulda açıqlanacaq.

VTB-də minimal faiz dərəcəsi ilə nağd kredit 9.9%-dən

21 İyun 2023-cü il tarixində Azərbaycan Mərkəzi Bankının İdarə Heyətinin qərarı ilə uçot dərəcəsi 9%, faiz dəhlizinin aşağı həddi 7.5%, faiz dəhlizinin yuxarı həddi isə 10% səviyyəsində dəyişməz saxlanılmışdır. Qərar makroiqtisadi proqnozlar, inflyasiyaya təsir göstərən amillər və risklər balansının dəyişimi nəzərə alınmaqla verilmişdir.

"Mərkəzi Bank pul siyasəti ilə bağlı növbəti qərarlarını da daxili və xarici inflyasiya risklərini, faktiki və gözlənilən inflyasiyanın hədəfdən yayınma dərəcəsini nəzərə almaqla qəbul edəcəkdir. Mərkəzi Bank bundan sonra da inflyasiya amillərinin dərin təhlilini davam etdirəcək, monetar şərait vasitəsilə inflyasiyanı hədəf çərçivəsinə qaytarmaq üçün sərəncamındakı bütün alətlərdən adekvat istifadə edəcəkdir. İnflyasiya təzyiqlərinin davamlı səngiməsi halında pul siyasətinin sərtləşdirilməsində ən azı cari ilin sentyabrınadək pauza götürülməsi, sonrakı mərhələlərdə isə onun yumşaldılması imkanları nəzərdən keçiriləcəkdir",- Mərkəzi Bank press-relizində bildirmişdi.

Dövlət Statistika Komitəsinin yaydığı məlumata görə, 2023-cü ilin iyun ayında istehlak qiymətləri indeksi (inflyasiya göstəricisi) 2022-ci ilin iyun ayına nisbətən 10,6 faiz artıb. Qiymətlərdə illik artım 2023-cü ilin may ayında 11,5 faiz təşkil etmişdi. Beləliklə, illik inflyasiyada yavaşlama davam edir. 2023-cü ilin İyun ayında may ayına nisbətən isə qiymətlərin ümumi səviyyəsi 0,9% azalıb (deflyasiya). İnflyasiyada səngimə Mərkəzi Banka pauzanı davam etdirməyə imkan verir.

Mərkəzi Bank antiinflyasiya xarakterli pul siyasətini və inflyasiyaya təsir imkanlarını artırmaq istiqamətində islahatları davam etdirir. Bank hesab edir ki, uçot dərəcəsi və faiz dəhlizinin digər parametrlərinin yüksəldilməsi, yeni konfiqurasiyada pul siyasəti alətlərinin adekvat tətbiqi, məcburi ehtiyat normalarının qaldırılması və makro-prudensial tələblərdə edilən dəyişikliklər monetar şərait vasitəsilə inflyasiya təzyiqlərini məhdudlaşdırır.

FAİZ DƏHLİZİ NƏDİR?

Pul siyasətinin əməliyyat çərçivəsinin mühüm elementlərindən biri faiz dəhlizidir. Faiz dəhlizi banklararası bazardakı qısamüddətli faizlərin dəhliz daxilində hərəkətini təmin etmək məqsədi daşıyır. Faiz dəhlizi eyni zamanda Mərkəzi Bankın likvidlik əməliyyatları üzrə faizlərinin iyerarxiyasını müəyyən edir.

Mərkəzi Bankın faiz dəhlizi üç parametr olan uçot dərəcəsi, yuxarı hədd və aşağı həddən ibarətdir. Faiz dəhlizinin aşağı həddi sterilizasiya yönümlü daimi imkanlar alətlərindən olan 1 günlük depozit əməliyyatının faizidir. Faiz dəhlizinin yuxarı həddi isə 1 günlük likvidliyin verilməsi üzrə daimi imkanlar alətlərindən olan əks-REPO əməliyyatının faizidir.

Uçot faiz dərəcəsi faiz dəhlizinin mərkəzi parametridir. Bu faiz dərəcəsini elan etməklə Mərkəzi Bank banklararası bazarda qısamüddətli faizləri bu parametrə yaxınlaşdırmağa çalışır.

Dəhlizin aşağı həddi ilə uçot dərəcəsi arasında formalaşan faizlərlə sterilizasiya yönümlü qısamüddətli açıq bazar əməliyyatları həyata keçirilir. Uçot dərəcəsi ilə dəhlizin yuxarı həddi arasında formalaşan faizlərlə likvidliyin verilməsi yönümlü qısamüddətli açıq bazar əməliyyatları həyata keçirilir.

Mərkəzi Bank sərəncamındakı alətlərlə banklararası pul bazarında faizlərin dəhliz daxilində formalaşmasına çalışır. Bu proses pul siyasəti qərarlarının transmissiyasının birinci həlqəsini təşkil edir. Banklararası bazarda qısamüddətli faizlər dəyişəndə digər faizlər, o cümlədən depozit və kredit faizləri də dəyişir. Bu proses pul siyasəti qərarlarının transmissiyasının ikinci həlqəsini təşkil edir.

Artmış pul kütləsinin inflyasya potensiala malik izafi hissəsinin dövriyyədən çıxarılmasına yönəldilmiş əməliyyatlara Mərkəzi Bankın sterilizasiya əməliyyatları deyilir. Bununla belə xarici valyuta bazarında revalvasiya təhlükəsi yaradan artıq təklifin alınması əməliyyatlarını xarakterizə etmək üçün də sterilizasiya terminindən istifadə edilir.

Uçot faiz dərəcəsi

22.06.2023 9.0%

04.05.2023 9.0%

30.03.2023 8.75%

02.02.2023 8.5%

16.12.2022 8.25%

28.10.2022 8.00%

18.03.2022 7.75%

28.01.2022 7.50%

Dəhlizin yuxarı həddi

22.06.2023 10.0%

04.05.2023 10.0%