ABŞ-ın Enerji İnformasiya Administrasiyasının "2023-cü ilin İyul ayı Hesabatına" əsasən, Neft İxrac Edən Ölkələr Təşkilatından (OPEC) və OPEC-ə daxil olmayan bəzi istehsalçı ölkələrdən ibarət OPEC+ qrupunun hasilatı azaltması səbəbindən Brent markalı neftin barel qiymətinin 2023-cü ilin sonuna qədər 81 dollara yüksəlməsi gözlənilir.

Marja xəbər verir ki, gələn ilin son rübünə qədər qlobal neft ehtiyatlarında gözlənilən azalmanın neft qiymətlərinin yuxarıya doğru artmasına dəstək olacağı gözlənilir.

Bu ilin ilk yarısında gündəlik orta hesabla 600 min barel artan qlobal neft ehtiyatlarının, ilin ikinci yarısında gündəlik orta hesabla 700 min barrel azalması gözlənilir. Gələn ilin ilk üç rübündə gündəlik orta hesabla 400 min barel azalması gözlənilən ehtiyatların, gələn ilin son rübündə gündəlik orta hesabla 100 min barrel artması gözlənilir.

Bu kontekstdə 2023-cü ildə Brent markalı neftin orta barel qiymətinin 79,34 dollar, Qərbi Texas tipli (WTI) xam neftin orta barel qiymətinin isə 74,43 dollar olacağı proqnozlaşdırılır.

Gələn il Brent markalı neftin orta barel qiymətinin 83,51 dollar, WTI tipli xam neftin orta barel qiymətinin isə 78,51 dollar olacağı gözlənilir.

ABŞ-ın xam neft hasilatının artacağı gözlənilir

ABŞ-da bu il orta gündəlik xam neft hasilatının 12 milyon 560 min barrel civarında olacağı gözlənilir. Keçən il bu rəqəm təxminən 11 milyon 890 min barel olaraq qeyd edilmişdi. 2024-cü ildə hasilatın 12 milyon 850 min barrelə yüksələcəyi hesablanır.

Qlobal neft tədarükünün bu il gündəlik 101 milyon 100 min barrel, gələn il isə 102 milyon 570 min barrel olacağı təxmin edilir. ABŞ, Kanada, Braziliya kimi qeyri-OPEC ölkələrindən gözlənilən hasilat artımının OPEC+ qrupunun hasilatı azaltmasını kompensasiya edəcəyi proqnozlaşdırılır.

Qlobal neft tələbinin bu il gündəlik 101 milyon 160 min barrel, gələn il isə 102 milyon 800 min barrel olacağı gözlənilir.

İstehlak artımının Çin və Hindistan başda olmaqla OECD-ə daxil olmayan Asiya ölkələrindən olacağı təxmin edilir. Bu il Çində gündəlik təlabatın təxminən 800 min barel, gələn il isə 400 min barel artması gözlənilən hesabata görə, Hindistanda istehlakın bu il və gələn il orta hesabla gündəlik 300 min barel artacağı hesablanır.