Mərkəzi Bankın zərəri kəskin azalıb

Mərkəzi Bankın zərəri kəskin azalıb

Azərbaycan Respublikasının Mərkəzi Bankı 2022-ci ili 63 milyon 955 min manat zərər ilə başa vurub. Mərkəzi Bank 2021-ci ili 162 milyon 746 min manat zərər ilə bağlamışdı. Beləliklə, ötən il Mərkəzi Bankın zərəri 60,7% və ya 98 milyon 791 min manat azalıb.

Ötən il Mərkəzi Bankın il üzrə cəmi məcmu zərəri isə 195 milyon 246 min manat olub (2021-ci ildə 201 milyon 724 min manat).

Marja.az bu barədə 31 dekabr 2022-ci il tarixinə Azərbaycan Respublikasının Mərkəzi Bankının Konsolidasiya Edilmiş Maliyyə Hesabatlarına istinadən xəbər verir.

Keçən il Mərkəzi Bankın faiz gəlirləri 221 milyon 20 min manat təşkil edib (2021-ci ildə 131 milyon 227 min manat). Ötən il Mərkəzi Bank 32 milyon 421 min manat haqq və komissiya gəlirləri də əldə edib (2021-ci ildə 20 milyon 488 min manat).

2022-ci ildə banklar bankının cəmi əməliyyat gəlirləri 415 milyon 39 min manat, cəmi əməliyyat xərcləri 478 milyon 994 min manat təşkil edib.

2022-ci ildə Mərkəzi Bankın inzibati və sair əməliyyat xərcləri 35 milyon 633 min manat və ya 44,8% artaraq 115 milyon 206 min manat təşkil edib. 2021-ci ildə Mərkəzi Bankın inzibati və sair əməliyyat xərcləri 79 milyon 573 min manat təşkil etmişdi.

31 dekabr 2022-ci il tarixində Mərkəzi Bank 30 milyard 861 milyon 987 min manat cəmi aktivlərə malik olub ki. bu da 2021-ci ilin sonu ilə müqayisədə 16,8% çoxdur. 2021-ci ilin sonunda Mərkəzi Bankın cəmi aktivləri 26 milyard 410 milyon 568 min manat təşkil etmişdi.

Ötən ilin sonunda cəmi aktivlərin 22 milyard 19 milyon 990 min manatını borc qiymətli kağızları təşkil edib.

31 dekabr 2022-ci il tarixində Mərkəzi Bank 29 milyard 881 milyon 196 min manat cəmi öhdəliklərə malik olub (2021-ci ilin sonunda 25 milyard 240 milyon 380 min manat).

03.07.2023 15:58

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az