Deputatdan taksilərin azaldılmasına və qiymətin artırılmasına etiraz

Deputatdan taksilərin azaldılmasına və qiymətin artırılmasına etiraz

"Metroda xidmət yüksək səviyyədə təşkil olunubmu ki, insanlar taksidən istifadə etməsin?! Tıxaclarla bağlı məsələdə də məncə taksini bəhanə etmək düzgün deyil"

Deputatdan taksilərin azaldılmasına və qiymətin artırılmasına etiraz

"Metroda xidmət yüksək səviyyədə təşkil olunubmu ki, insanlar taksidən istifadə etməsin?!"

Bunu Milli Məclisin bu gün keçirilən növbədənkənar iclasında deputat Fazil Mustafa deyib.

O bildirib ki, bu gün Azərbaycanda taksi sürücüləri işsiz qalmış müəllim, həkim və yaxud başqa peşə sahibləridir:

"Ona görə də biz digər sahələrdə problemlərimizi həll etməliyik ki, taksi sahəsinə yalnız peşəkarlar gəlsin. Tıxaclarla bağlı məsələdə də məncə taksini bəhanə etmək düzgün deyil. Metroda xidmət yüksək səviyyədə təşkil olunubmu ki, insanlar taksidən istifadə etməsin?! Buna bir sosial problem olaraq baxmaq lazımdır. Buna nəqliyyat problemi kimi baxsaq, doğru nəticə əldə edə bilmərik".

XXX

"Mən gündə 4-5 dəfə taksidən istifadə edirəm, ona görə də taksi sürücülərinin dərdi-sərini yaxşı bilirəm".

Bunu Milli Məclisin bu gün keçirilən növbədənkənar iclasında deputat Elşən Musayev deyib.

"İndiyə qədər taksi operatorları yalnız vasitəçilik funksiyasını icra edərək öz faizlərini götürüblər. Amma onlar sürücüləri müdafiə etməlidir. Bu, indiyə qədər olmayıb. Qəzaların sayı heç də təkcə sürücülərin günahı deyil, o sürücüləri yükləyən operatorların günahıdır. Adını çəkmək istəmədiyim bir operator sürücüdən gündə 24 gediş sayı tələb edir. Bu zaman həmin sürücü hansı avtomobili sürsə, qəza edəcək. Taksi sürücüləri çox maraqla bu məsələlərin necə sonlanacağını gözləyir. Onları qorumaq lazımdır. Təkcə onların üzərinə öhdəlik qoymaq lazım deyil, həm də sərnişinlərin üzərinə qoymaq lazımdır. Hansısa sərnişin taksi sifariş verir, sonra telefonu söndürür. Taksi sürücüsü neçə kilometr məsafə qət edib gəlir, amma sonra sərnişinə zəng çatmır. Bu zaman onu "qara siyahı"ya salsalar da, problem kökündən həll edilmir", - deyə deputat bildirib.

16.06.2023 13:46

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az