ABŞ Mərkəzi Bankı (FED) faiz qərarını açıqladı.

Marja.az xəbər verir ki, FED faizlərini 5,00% -5,25% aralığında sabit saxladı.

Beləliklə, FED son 15 ayda ilk dəfə faiz dərəcələrini sabit saxlamağa qərar verdi.

Qərarın yekdilliklə qəbul edildiyi açıqlanıb.

Proqnozlar da faiz dərəcələrinin sabit qalacağı istiqamətində idi.

FED sədri Jerome Powell, əvvəlki faiz artımlarının təsirlərini görmək üçün iyun ayında dayana biləcəklərinin siqnalını vermişdi.

Qeyd edilib ki, faiz dərəcəsinin sabit saxlanılması əlavə məlumat əldə etməyə və əvvəlki artımların pul siyasətinə təsirlərini qiymətləndirmək imkanı verir.

Nöqtəli qrafikdə əks olunan gözləntilər, qarşıdakı dövrdə faiz artımlarının masada olduğunu göstərir. FED rəsmilərinin 2023-cü il sonu üçün faiz proqnozu 5,60% olaraq müəyyən olunub. Əvvəlki proqnoz 5,1 faiz idi.

FED rəsmilərinin faiz ilə bağlı 2024-cü il proqnozu 4,6%, 2025-ci il üçün 3,4%-dir. 

FED-in yaydığı press-relizdə “İnflyasiya yüksək olaraq davam edir, Komitə inflyasiya risklərinə yüksək həssaslıqla yanaşır” bildirilib.

FED-in faiz artırmağı dayandırması, gələcəkdə isə aşağı salması Dolların ucuzlaşması ilə nəticələnə bilər. Artıq FED-in bugünkü faiz qərarından sonra Dollar ucuzlaşıb, Avro bahalaşıb. Bakı vaxtı ilə saat 23:09-da Avro/Dollar məzənnəsi 0,5% artımla 1,0840 səviyyəsində olub. 

May ayında ABŞ-da inflyasiya yavaşlayıb. Bu vəziyyət, FED-in faiz artırmağı dayandırmasına şərait yaradır. ABŞ-da illik inflyasiya 4,9%-dən 4%-ə düşüb (ötən ilin may ayı ilə müqayisədə), bu, 2021-ci ilin martından bəri ən aşağı səviyyədir.

Fed  iqtisadiyyatla bağlı gözləntilərini açıqlayıb.

Belə ki, FED-in 2023-cü ildə ABŞ-ın iqtisadi artım proqnozu 1 faizdir. Martda bu proqnoz 0,4 faiz idi. 2024-cü il üçün iqtisadi artım proqnozu 1,2 faizdən 1,1 faizə endirilib. 2025-ci il üçün artım proqnozu da 1,9 faizdən 1,8 faizə endirilib.

İşsizlik proqnozları aşağı salınıb. 2023-cü il işsizlik proqnozu 4,5 faizdən 4,1 faizə endirilib. 2024 və 2025-ci illər üçün işsizlik proqnozu isə 4,6 faizdən 4,5 faizə endirilib.

FED tərəfindən yaxından izlənilən inflyasiya göstəricisi (PCE) 2023-cü il üçün 3,6%-dən 3,9%-ə yüksəldilib.  

ABŞ-da illik inflyasiya