Daha bir xarici bankdan dollar/Türk Lirəsi proqnozları

Daha bir xarici bankdan dollar/Türk Lirəsi proqnozları

Daha bir xarici bankdan dollar/Türk Lirəsi proqnozları

Türkiyədə ictimaiyyətin diqqəti mayın 14-də keçiriləcək seçkilərə yönəldiyi bir zamanda, xarici qurumların seçkilərin nəticələri ilə bağlı təhlilləri davam edir.

Marja xəbər verir ki, Almaniya təşkiları "Commerzbank"ın İnkişaf etməkdə olan Bazarlar üzrə Baş İqtisadçısı Tatha Ghose, Ərdoğanın prezident seçkilərində qalib gələcəyi təqdirdə Türk lirəsinin "tənzimləmə və çoxsaylı kapital nəzarəti ilə təmin edilən aşağı dəyişkənlikdən" çıxacağını gözlədiklərini bildirib.

Ghose görə, "Millet İttifakı" (Kılıçdaroğlu) seçkidə qalib gəlsə, bazar reaksiyası ilk mərhələdə müsbət olacaq, lakin bu nikbinlik “əsasən kiçik partiyalardan formalaşmış bu ittifaqın əməkdaşlıqda və siyasi qərarların tətbiqində problemləri olarsa Ərdoğanın geri dönəcəyi gözləntisi ilə" qısamüddətli ola bilər.

Bankın hesabatında yer alan proqnozlarına görə, iyun ayının sonunda Avro/Türk lirəsi məzənnəsinin 21,5 lirə, Dollar/Türk lirəsi məzənnəsinin 19,5 lirə olacağı gözlənilir.

Bank Avro/Türk lirəsinin sentyabr ayının sonunda 21,8 lirə, Dekabrın sonunda isə 22,8 lirə olacağını proqnozlaşdırır. Bank USD/TL-nin isə sentyabrda 19,5 lirə, Dekabrda isə 20 lirə olacağını nəzərdə tutur.

Bank 2024-cü ilin mart ayına gəldikdə, Avro/Türk lirəsinin 23 lirə, Dollar/Türk lirəsinin 20,5 lirə olacağını təxmin edib. 2024-cü ilin iyun ayında Avro/Türk lirəsini 23.1 səviyyəsində görən bank, 2024-cü ilin sentyabrında 22.9 lirə, 2024-cü ilin dekabrında isə 23,2 lirə olacağını hesablayır.

USD/TL tərəfində 2024-cü ilin iyun və sentyabr ayları üçün proqnoz 21 lirə, 2024-cü ilin dekabr proqnozu 21,5 lirədir.

Qeyd edək ki, burada verilən təxminlər banklararası bazarda məzənnə səviyyələrinə aiddir. Banklararası bazar məzənnəsi ilə sərbəst bazar məzənnəsi arasında fərq ola bilir. Banklararası bazarda Dollar/TL məzənnəsi 19,50 lirə olduğu halda, "Kapalıçarşı"da 20,50 lirədir.

Həmçinin oxu

Türkiyədə seçkilərdən sonra üçün bazar ssenariləri - "MÜXALİFƏT QALİB GƏLƏRSƏ..."

09.05.2023 17:27

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az