Bu il qlobal iflaslar 21 faiz artacaq - HESABAT

Bu il qlobal iflaslar 21 faiz artacaq - HESABAT

Allianz Trade-nin Qlobal İflas Hesabatına görə, dünya üzrə iflaslar 2023-cü ildə 21 faiz artacaq

Bu il qlobal iflaslar 21 faiz artacaq - HESABAT

Debitor borclarının sığortası sahəsində fəaliyyət göstərən Allianz Trade şirkətinin Qlobal İflas Hesabatı dərc edilib.

Marja xəbər verir ki, hesabata görə, dünya üzrə iflaslar 2023-cü ildə 21 faiz, 2024-cü ildə isə 4 faiz artacaq.

VTB-də minimal faiz dərəcəsi ilə nağd kredit 10.49%-dən

Hesabatda bildirilir ki, Allianz Trade Qlobal İflas İndeksi növbəti bir neçə il ərzində yüksəlməyə davam edəcək.

İflaslarda ən böyük artım 41% ilə Fransada, 49% ilə ABŞ-da və 52% ilə Hollandiyada yaşanacaq.

Allianz Trade-nin 2023-cü il üçün iflas səviyyələrini təhlil etdiyi ölkələrin yarısında və 2024-cü il üçün beşdə üçündə epidemiyadan əvvəlki rəqəmlərin aşılması ehtimalı var. Avropada iflaslar illik 41% artaraq 2023-cü ildə 59 minə, İngiltərədə 16% artaraq 28 min 500-ə, Almaniyada 22% artaraq 17 min 800-ə, İtaliyada isə 24% artaraq 8 min 900 olacağı gözlənilir. ABŞ-da isə daha sərt kredit şərtləri və əhəmiyyətli iqtisadi yavaşlama nəticəsində 2023-cü ildə iflasların 49 faiz artması gözlənilir.

İrimiqyaslı iflaslar artmaqda davam edir

Hesabata görə, iflasların əksəriyyətini kiçik və orta biznes təşkil etsə də, tendensiya yavaş-yavaş iri şirkətlərə yayılmağa başlayır. Bu, domino effekti riskini yaradır.

Qlobal səviyyədə, 2022-ci ilin son rübündə iri iflasların sayı 88-ə çatıb ki, bu da pandemiyadan əvvəlki səviyyədən bir qədər yüksəkdir.

Hesabatda həmçinin qeyd olunur ki, 2023-cü ildə qlobal artımın ləngiməsi gözlənilir.

Ən çox təsirlənən tikinti, pərakəndə satış və xidmət sektorlarıdır.

Allianz-dan Maxime Lemerle deyib:

"Gəlirləri 50 milyon avrodan çox olan şirkətlər üçün iflasların sayı hazırda pandemiyadan əvvəlki səviyyədən bir qədər yuxarıdır. Tikinti, pərakəndə satış və xidmət sahələri ən çox təsirlənən sektorlardır. Aşağı artım, gəlirliliyə təzyiq və sərt maliyyə şərtləri şirkətlərin dayanıqlığını azaldır”.

03.05.2023 00:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az