Ən yuxarı (mobil)-2_30
Mobil manşet üstü reklam_21

ABŞ-da inflyasiya rəqəmləri açıqlandı - FED BİR DƏFƏ DƏ FAİZ ARTIRA BİLƏR

iç səhifə xəbər başlığı altı (mobil)_31
ABŞ-da inflyasiya rəqəmləri açıqlandı - FED BİR DƏFƏ DƏ FAİZ ARTIRA BİLƏR

ABŞ-da istehlak qiymətləri indeksi (inflyasiya göstəricisi) mart ayında aylıq və illik müqayisələrdə proqnozlardan aşağı olub. Baza inflyasiya isə FED-in “oyunda qalacağı” gözləntisini artıraraq yüksəlməyə davam edib.

Marja xəbər verir ki, 2023-cü ilin mart ayında ABŞ-da baza inflyasiyasının yüksəlişi davam edib və bu, faiz artımlarının növbəti ayda da davam edəcəyinə dair gözləntiləri gücləndirib. Ümumi inflyasiya proqnozdan aşağı olub. 

ABŞ Əmək Nazirliyinin məlumatlarına görə, ümumi inflyasiya aylıq 0,1 faiz təşkil edib və illik isə 6 faizdən 5 faizə enib. Fevralda aylıq inflyasiya 0,4 faiz təşkil etmişdi.

İqtisadçıların orta proqnozları aylıq 0,2 faiz, illik 5,1 faiz idi.

Baza inflyasiyası proqnozlara uyğun olaraq aylıq 0,4 faiz olub (əvvəlki ay 0,5% olmuşdu). 

Baza inflyasiyası illik müqayisədə sürətlənməyə davam edərək, fevral aydakı 5,5%-dən martda 5,6%-ə yüksəlib. Proqnoz 5,6% idi.

Bu rəqəmlər xüsusilə xidmət sektorunda "yapışqan inflyasiyanın" davam etdiyini göstərir. Bank sektorunda baş verən son qarışıqlığın iqtisadiyyata təsiri siyasətçilər tərəfindən yaxından izlənilsə də, inflyasiyanın artması və güclü məşğulluq ABŞ Mərkəzi bankının (FED) ən azı bir dəfə də faiz artıracağı və sonra gözləyəcəyi (pauza verəcəyi) fikrini gücləndirir.

12.04.2023 17:31
📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az

Müştərilərin xəbərləri

Mobil Manşet alt reklam-2_22
Manşetin sağı-2_5
Ana-sehifede-2-reklam-3_9
Əsas səhifədə 3-cü reklam_10
Xəbər mətn sağ 1-ci-2_15
Xəbər mətn sağ 2-ci_16
Xəbər mətn sağ 3-cü-2_17
Xəbər mətn sağ -18_18
InvestAZ