Azərbaycanın internet trafiki xidmətləri göstərən şirkəti 24 milyon manat xalis mənfəət əldə edib

Azərbaycanın internet trafiki xidmətləri göstərən şirkəti 24 milyon manat xalis mənfəət əldə edib

Azərbaycanın internet trafiki xidmətləri göstərən şirkəti 24 milyon manat xalis mənfəət əldə edib

"Delta Telekom LTD" MMM 2021-ci ili 23 milyon 919 min manat xalis mənfəət ilə başa vurub. Şirkət 2020-ci ili 19 milyon 119 min manat xalis mənfəət ilə bağlamışdı. Beləliklə, 2020-ci illə müqayisədə 2021-ci ildə "Delta Telekorn LTD"nin xalis mənfəəti 4 milyon 800 min manat və ya 25,1% artıb.

Marja.az "Delta Telekom LTD" MMM-nin 31 dekabr 2021-ci il tarixində bitən il üzrə konsolidə edilmiş hesabatlarına istinadən xəbər verir ki, 2020-ci ildə şirkətin satışdan gəlirləri (internet və digər xidmətlər, avadanlığın satışı) 67 milyon 233 min manat ikən, 2021-ci ildə 66 milyon 382 min manata düşüb. Satışdan gəlirlərin azalması avadanlıqların satışından gəlirin azalması ilə əlaqədardır.

Belə ki, "Delta Telekom LTD" şirkətinin internet və digər xidmətlərdən gəlirləri 2020-ci ildəki 64 milyon 814 min manatdan 2021-ci ildə 65 milyon 851 manaat yüksəlib, avadanlığın satışından gəliri 2 milyon 131 min manatdan 206 min manata düşüb. Şirkət 2021-ci ildə icarədən 325 min manat gəlir əldə edib (2020-ci ildə 288 min manat).

Gəlirlərin azaldığı bir ildə xalis mənfəətin artması xərclərin azaldılmasından qaynaqlanır. Belə ki, "Delta Telekom LTD"nin cəmi əməliyyat xərcləri 2020-ci illə müqayisədə 2021-ci ildə 5 milyon 311 min manat və ya 14,7% azalaraq 36 milyon 28 min manat təşkil edib.2020-ci ildə "Delta Telekom LTD"nin cəmi əməliyyat xərcləri 41 milyon 339 min manat təşkil etmişdi.O cümlədən, Şirkətin quraşdırma və kabel işləri üzrə xərcləri 2,3 dəfə azalaraq 1 milyon 606 min manata düşüb.

2000-ci ildə yaradılmış "Delta Telekom LTD" yerli və xarici internet provayderlərinə, eləcə də iri dövlət və özəl müəssisələrə internet trafiki xidmətlərinin göstərilməsilə məşğul olur. "Telekom İnvest" MMC şirkəti "Delta Telekorn LTD"nin törəmə şirkətidir və törəmə müəssisəsinin nizamnamə kapitalının 75%-nə sahibdir. 31 dekabr 2020 və 2021-ci il tarixlərinə Şirkətin müvafiq olaraq 213 və 200 nəfər işçisi olub.

04.04.2023 08:36

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az