Dünya Bankından "itirilmiş onillik" xəbərdarlığı

Dünya Bankından "itirilmiş onillik" xəbərdarlığı

2022-2030-cu illər arasında qlobal ÜDM-də orta potensial artım 2,2%-ə qədər yavaşlayacaq və dünya iqtisadiyyatı “İtirilmiş onillik” ilə üzləşəcək. Lakin Dünya Bankı hesab edir ki, "itirilmiş onillik"dən hələ də qaçmaq olar. Bankın hesabatında deyilir ki, investisiyaların stimullaşdırılması, xərclərin azaldılması, xidmət sektorunun təşviq edilməsi və əmək bazarının canlandırılması məqsədilə birgə səylər potensial ÜDM-in artımını 0,7 faiz bəndi artıraraq 2,9%-ə qədər yüksəldə bilər.

Dünya Bankından "itirilmiş onillik" xəbərdarlığı

Dünya Bankının bazar ertəsi açıqladığı hesabatında bildirilir ki, siyasətçilər işçi qüvvəsi təklifini, məhsuldarlığı və investisiyaları artırmaq üçün iddialı təşəbbüslər göstərməsələr, 2030-cu ilə qədər illik qlobal iqtisadi artım orta hesabla 2,2 faizə düşəcək, bu da son üç onillikdə (30 ildə) ən aşağı göstərici olacaqdır. Marja xəbər verir ki, bu vəziyyətdə dünya iqtisadiyyatı “İtirilmiş onillik” ilə üzləşəcək.

Hesabatda qeyd olunub ki, ümumi daxili məhsulun (ÜDM) potensial artımında gözlənilən geniş əsaslı yavaşlamanın geri qaytarılmaması dünyanın iqlim dəyişikliyi ilə mübarizə və yoxsulluğun azaldılması qabiliyyətinə dərin təsir göstərəcək.

2000-2010-cu illərdə orta hesabla illik artım 3,5%, 2011-2021-ci illərdə 2,6% olmuşdur.

Dünya Bankının baş iqtisadçısı İndermit Gill verdiyi açıqlamada, "Qlobal iqtisadiyyatı "itirilmiş onillik" ilə üzləşə bilər" deyib və əlavə edib ki, işi təşviq edən, məhsuldarlığı artıran və investisiyaları sürətləndirən siyasətlər bu tendensiyanın qarşısını ala bilər.

Hesabatda, Covid-19 pandemiyası və Rusiyanın Ukraynaya müdaxiləsi də daxil olmaqla, son bir neçə ildə baş verən böhranların təxminən otuz illik davamlı iqtisadi artımı sona çatdırdığı qeyd edilib. Qlobal maliyyə böhranı və ya iqtisadi böhran baş verdikdə düşmə daha da pisləşə bilər.

"İtirilmiş onillik" termini çox vaxt 1990-cı illərdə Yaponiyada yaranmış vəziyyəti təsvir etmək üçün istifadə olunur. Uzun illər sürətli inkişafdan sonra ölkə ciddi iqtisadi böhran keçirdi. Bu böhran həyat səviyyəsinin pisləşməsinə və ölkənin iqtisadi sisteminə inamın azalmasına səbəb olub.

27.03.2023 22:33

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az