Milli Depozit Mərkəzinin rəhbərliyi yenidən formalaşdırılıb

Milli Depozit Mərkəzinin rəhbərliyi yenidən formalaşdırılıb

Milli Depozit Mərkəzinin rəhbərliyi yenidən formalaşdırılıb

Milli Depozit Mərkəzində (MDM) Müşahidə Şurasının tərkibi yenidən formalaşdırılıb.

Mərkəzin yaydığı məlumatda bildirilir ki, Şuranın tərkibi "müasir çağırışlara cavab verən çevik və səmərəli idarəetmə sisteminin təkmilləşdirilməsi" məqsədilə yenilənib.

Dəyişikliklərə əsasən MDM-in Müşahidə Şurasının sədri Mərkəzi Bankın Daxili audit departamentinin direktoru Elçin Əlizadə, sədr müavini isə Kapital bazarı fəaliyətinə dair siyasət və nəzarət departamentinin direktoru Umeyra İbrahimova təyin edilmişdir.

Beləliklə, MDM-in Müşahidə Şurası aşağıdakı tərkibdə təsdiq edilmişdir:

Elçin Əlizadə - Müşahidə Şurasının sədri

Umeyra İbrahimova – Müşahidə Şurasının sədrinin müavini

Nadir Babazadə – Müşahidə Şurasının üzvü

Elçin Məmmədov – Müşahidə Şurasının üzvü.

Qeyd edək ki, MDM-nin əsas məqsədi – Azərbaycan Respublikasının ərazisində qiymətli kağızların saxlanılmasını, onlar üzərində mülkiyyət və digər hüquqların uçotunu, habelə qiymətli kağızlarla bağlı əqdlərin qeydiyyatını aparan depozitar sisteminin işinin təşkili və əlaqələndirilməsidir.