BMW şirkəti gəlirlərini, mənfəətini və satılan avtomobil sayını açıqladı

BMW Qrupunun 2022-ci ildə xalis mənfəəti 18 milyard 582 milyon avro təşkil edib. Qrup gəlirləri 142 milyard 610 milyon avroya yüksəlib(əvvəlki il: 111 milyard 239 milyon avro/ +28,2%).

BMW şirkəti gəlirlərini, mənfəətini və satılan avtomobil sayını açıqladı

Almaniyanın avtomobil nəhəngi BMW Qrupu 2022-ci ildə 18 milyard 582 milyon avro xalis mənfəət əldə edib. 2021-ci illə müqayisədə qrupun xalis mənfəəti 49,1% artıb.

Marja.az xəbər verir ki, bu barədə konsernin mətbuat xidmətinin cümə axşamı dərc etdiyi yekun hesabatda deyilir.

Ötən il avtomobil istehsalçısının gəlirini 28,2% artıraraq 142 milyard 610 milyon avroya çatıb. Şirkət 2021-ci ildə 111 milyard 240 milyon avro gəlir əldə etmişdi.

2022-ci ildə tam elektrik modellərin satışı 107,7% artıb və 2022-ci ildə tədarüklərin 9% -ni təşkil edib.

Qrupun müsbət rəqəmləri, təkmilləşdirilmiş qiymət və məhsullar, eləcə də Çin birgə müəssisəsi BMW Brilliance Automotive Ltd-nin tam konsolidasiyası ilə əlaqələndirilir.

Tədarüklər (təhvil verilən avtomobillərin sayı) əvvəlki ilə nisbətən bir qədər az (-4,8%) olub, 2 milyon 399 min 632 ədəd təşkil edib (2021-ci ildə: 2 milyon 521 min 514 ədəd avtomobil). Davamlı olaraq yüksək müştəri tələbi şirkətin sifarişlərinin artmasında öz əksini tapmışdır. Amma, Çində yarımkeçirici komponentlərin tədarükü ilə bağlı çətinliklər, tədarük zəncirinin pozulması və COVID-nin kilidlənməsi səbəbindən sifarişlər tamamilə yerinə yetirilə bilinməyib.

Elektrikləşdirilmiş avtomobillər (BEV və PHEV) tədarüklərin cəmi 18,1%-ni ( 433 min 792 ədəd / +32,1%) təşkil edib. Tam elektriklə işləyən avtomobillərin satışı 215 min 752 ədədə çatıb ki, bu da əvvəlki illə müqayisədə (+107,7% illik) əhəmiyyətli artımdır.

10.03.2023 09:04

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az