Azercell şirkətinin dövlət büdcəsinə ödədiyi vergi kəskin artıb

Azercell şirkətinin dövlət büdcəsinə ödədiyi vergi kəskin artıb

Şirkətin telekommunikasiyanın inkişafına yatırdığı sərmayə təxminən 2 dəfə artıb.

Azercell şirkətinin dövlət büdcəsinə ödədiyi vergi kəskin artıb

Azərbaycanın iri mobil operatoru “Azercell Telekom” MMC, 2022-ci ildə, Azərbaycanın qeyri-neft sektorunun ən böyük vergi ödəyicisindən biri kimi dövlət büdcəsinə 169,3 milyon manat, 26 il ərzində isə ümumilikdə 2,2 milyard manat vergi ödəyib.

Marja.az xəbər verir ki, bu, “Azercell Telekom” şirkətinin yaydığı press-relizdə bildirilir.

VTB-də minimal faiz dərəcəsi ilə nağd kredit 10.49%-dən

Qeyd edilib ki, Azercell, 5 milyondan artıq abunəçi və 48,2% bazar payının sahibi kimi 2022-ci ildə də telekommunikasiya sektorunda öz liderlik mövqeyini qoruyub saxlayır.

Mobil operator 2022-ci ildə ölkədə telekommunikasiyanın inkişafına 88,5 milyon ABŞ dolları, 1996-2022-ci illər ərzində isə 1,9 milyard ABŞ dolları həcmində sərmayə yatırıb.

Xatırladaq ki, “Azercell Telekom” şirkəti 2021-ci ildə dövlət büdcəsinə 122,7 milyon manat vergi ödəmiş, telekommunikasiyanın inkişafına 2021-ci ildə 44,7 milyon ABŞ dolları sərmayə yatırmışdı. Şirkət 2021-ci ildə ölkənin mobil kommunikasiya bazarında 51.8% pay sahib idi.

Beləliklə, ötən il “Azercell Telekom”un dövlət büdcəsinə ödədiyi vergi 46,6 milyon manat və ya 38%, telekommunikasiyanın inkişafına yatırdığı sərmayə isə 43,8 milyon dollar və ya təxminən 2 dəfə artıb.

Hazırda şirkətin ölkə üzrə coğrafi əhatə dairəsi 94,60%, əhali əhatəsi isə 98,40% təşkil edir.

Azercell 2022-ci ildə həyata keçirdiyi Korporativ Sosial Məsuliyyət (KSM) layihələrinə ümumilikdə 0,2 milyon ABŞ dolları sərf edib ki, bu göstərici 26 il ərzində 22,3 milyon ABŞ dolları təşkil edib.

Ölkədə təhsilin inkişafı, yüksək ixtisaslı kadrların yetişdirilməsi, insan kapitalının formalaşmasına xüsusi önəm verən Azercell 2022-ci ildə İnsan kapitalının inkişafına 0,9 milyon ABŞ dolları, 26 il ərzində isə 27,7 milyon ABŞ dolları həcmində vəsait xərcləyib.

09.03.2023 17:02

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az