2019-cu ildən bəri ilk dəfə Apple-ın satışlarında azalma baş verib

2019-cu ildən bəri ilk dəfə Apple-ın satışlarında azalma baş verib

Ötən ilin oktyabr-dekabr dövründə ABŞ-ın texnologiya nəhənglərindən biri olan Apple gəlirləri proqnozlardan aşağı olub. Şirkətin maliyyə hesabatlarına görə, 31 dekabrda başa çatan 2022-2023 maliyyə ilinin birinci rübündə Apple-ın xalis mənfəəti illik müqayisədə 13,4% azalaraq 29 milyard 998 milyon dollar olub. Birinci rübdə iPhone satışları 8,1% azalaraq 65 milyard 775 milyon dollar təşkil edib. Mac gəlirləri illik müqayisədə 29% azalaraq 7 milyard 735 milyon dollara düşüb. Hesabat dövründə iPad satışları isə təxminən 30% artaraq 9 milyard 396 milyon dollar təşkil edib.

2019-cu ildən bəri ilk dəfə Apple-ın satışlarında azalma baş verib

Apple şirkəti 2022-nin oktyabr-dekabr dövrü üçün balans hesabatını açıqlayıb.

Marja xəbər verir ki, Apple-dan verilən açıqlamaya görə, balansında keçən ilin oktyabr-dekabr dövrünü birinci rüb kimi qəbul edən şirkətin satışları əvvəlki ilin eyni dövrü ilə müqayisədə 5 faiz azalaraq 117,2 milyard dollara düşüb. Şirkət 2021-ci ilin eyni dövründə 123,9 milyard dollar gəlir əldə etmişdi.

Beləliklə, Apple 2019-cu ildən bəri ilk dəfə satışlarında illik müqayisədə azalma yaşayıb. Şirkətin eyni dövrdəki gəlirləri də 121,1 milyard dollar olan bazar proqnozundan aşağı olub.

Apple-ın xalis mənfəəti isə 2022-ci ilin oktyabr-dekabr dövründə əvvəlki ilin eyni dövrü ilə müqayisədə13% azalaraq 30 milyard dollara düşüb. Şirkətin xalis mənfəəti 2021-ci ilin eyni dövründə 34,6 milyard dollar təşkil etmişdi.

Şirkəti səhm üzrə qazancı da bu dövrdə 2,10 dollardan 1,88 dollara düşüb.

iPhone və Mac satışları azalıb, iPad satışları artıb

Bu dövrdə Apple-ın smartfon və kompüter satışları azalarkən, planşet satışları artıb.

Ötən ilin oktyabr-dekabr dövründə iPhone satışlarının məbləği əvvəlki ilin eyni dövrü ilə müqayisədə 8 faiz azalaraq 65,8 milyard dollara düşüb.

Eyni dövrdə Mac satışları 29 faiz azalaraq 7,7 milyard dollara düşüb, iPad satışları isə 30 faiz artaraq 9,4 milyard dollara yüksəlib.

Digər tərəfdən, Apple-ın İcraçı Direktoru (CEO) Tim Cook, CNBC-yə verdiyi müsahibəsində, şirkətin maliyyə nəticələrinə güclü dolların, iPhone 14 Pro və iPhone 14 Pro Max istehsalına mənfi təsir göstərən Çindəki Covid-19 məhdudiyyətlərinin təsir etdiyini söyləyib.

Apple səhmləri ticarətin bağlanmasından sonra 3,3% ucuzlaşıb.

1976-cı ildə qurulan Apple şirkəti kompüterlər, telefonlar, planşetlər, ağıllı saatlar və proqramlar istehsal edir.

03.02.2023 07:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az