Bankların dollara tələbinin azalmasının səbəbi açıqlandı

Profisitli tədiyə balansı ölkənin strateji valyuta ehtiyatlarının artması və valyuta bazarında təklifin genişlənməsilə müşayiət olunur.

Bankların dollara tələbinin azalmasının səbəbi açıqlandı

Azərbaycan Mərkəzi Bankı (AMB) bankların valyuta hərraclarında dollara tələbinin azalmasının səbəbini açıqlayıb.

Mərkəzi Bankdan bildirilib ki, əlverişli beynəlxalq konyunktur və qeyri-neft ixracı potensialının artması şəraitində Azərbaycanın tədiyə balansının cari əməliyyatlar hesabında iri həcmli profisit yaranıb.

"Rəsmi statistikaya görə, tədiyə balansının cari əməliyyatlar hesabının əsas elementi olan xarici ticarət balansının profisiti 2022-ci ildə ötən illə müqayisədə 2.2 dəfə artaraq 23.6 mlrd. ABŞ dollarına çatıb. Profisitli tədiyə balansı ölkənin strateji valyuta ehtiyatlarının artması və valyuta bazarında təklifin genişlənməsilə müşayiət olunur. Mühüm məqamlardan biri odur ki, qeyri-neft sektoru üzrə ixracın həcmi 2022-ci ildə 12.3% artaraq 3 mlrd. ABŞ dollarına yüksəlib. Qeyd olunan məqamlar Azərbaycan Dövlət Neft Fondunun vəsaitlərinin satışı üzrə təşkil olunan valyuta hərraclarındakı tələb-təklif nisbətində də özünü göstərir. Məhz bu amillər cari ilin 24 və 26 yanvar tarixlərində keçirilən valyuta hərraclarında valyuta alışı üzrə sifarişlərin verilməməsinin fundamental səbəbləri kimi çıxış edib" - deyə Mərkəzi Bankın açıqlamasında bildirilib.

Qeyd edək ki, bu il yanvarın 19-da keçirilən valyuta hərracında banklar cəmi 1,5 milyon dollar cəlb edib, 24 və 26 yanvar tarixlərində keçirilən valyuta hərraclarında isə heç bir sifariş verilməyib. Bu isə son illər ərzində qeydə alınan ilk belə faktdır.

İllik 12.99%-dən 40 000 AZN-dək zaminsiz komissiyasız kredit!

APA

31.01.2023 16:58

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az