Dövlət Xidmətinin sayəsində 318 min manat istehlakçılara geri qaytarılıb

Dövlət Xidmətinin sayəsində 318 min manat istehlakçılara geri qaytarılıb

Dövlət Xidmətinin sayəsində 318 min manat istehlakçılara geri qaytarılıb

Ötən il Azərbaycanda istehlakçı hüquqlarının müdafiəsi və istehlak bazarına nəzarət sahəsində İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə daxil olan 5 570 müraciətə baxılıb və bunlardan 2 260 müraciət təmin olunub.

Bunu İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyli qurumun 2022-ci ilin yekunlarına həsr olunmuş mətbuat konfransında deyib.

"Nəticədə, qanun pozuntusuna yol vermiş təsərrüfat subyektləri tərəfindən istehlakçılara 318 min manat vəsait geri qaytarılıb, 20 min manatadək dəymiş zərər ödənilib. Daxil olmuş vətəndaş müraciətinin araşdırılması zamanı təqdim olunmuş sübutlara əsasən 12 hüquqi, 3 fiziki şəxs barəsində inzibati xəta haqqında protokol tərtib edilib", - M.Abbasbəyli əlavə edib.

Ötən il sahibkarlara 61 mindən çox malın mənşə ölkəsini təsdiq edən sertifikat verilib

Məmməd Abbasbəyli bildirib ki, 2022-ci il ərzində sahibkarlıq subyektlərinə 61 mindən çox malın mənşə ölkəsini təsdiq edən sertifikat verilib.

Onun sözlərinə görə, ötən ildə Azərbaycan Standartlaşdırma İnstitutu (AZSTAND) tərəfindən 68 yeni dövlət standartı qəbul edilib.

O, qeyd edib ki, Türk Standartları İnstitutu ilə əməkdaşlıq çərçivəsində AZSTAND ölkə ərazisində Türkiyənin 9 000-dən çox milli standartının rəsmi nəşrlərini yaymaq hüququ əldə edib:

"AZSTAND-ın nəzdində fəaliyyət göstərən laboratoriyalarda 2022-ci il ərzində 2 700-dən artıq məhsul üzrə 12 000-dən çox sınaq aparılıb. Türkiyə Elmi və Texnoloji Tədqiqat Şurasının Milli Metrologiya İnstitutu (TÜBİTAK UME) tərəfindən Azərbaycan Metrologiya İnstitutunda 20 laboratoriyanın yaradılması istiqamətində işlərə başlanılıb. Ötən il Azərbaycan Akkreditasiya Mərkəzi tərəfindən 111 qurum akkreditə edilib, 17 qurumun akkreditasiya sahəsi genişləndirilib".

İllik 12.99%-dən 40 000 AZN-dək zaminsiz komissiyasız kredit!

"Report"

31.01.2023 13:03

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az