Azexport.az portalının “MTradeVerse” platformasında rəqəmsal inzibati binası yaradılıb

Azexport.az portalının “MTradeVerse” platformasında rəqəmsal inzibati binası yaradılıb

İqtisadi İslahatların Təhlili və Kommunikasiya Mərkəzinin operatoru olduğu Azexport.az portalı və Rəqəmsal Ticarət Qovşağının (DTH) “MTradeVerse” platformasında virtual reallıq (VR) formatında rəqəmsal inzibati binası hazırlanıb.

Azexport portalının rəhbəri Ayxan Qədəşov bildirib ki, hazırda metaverse sahəsinə böyük axın mövcuddur. “Sahəyə nüfuzlu beynəlxalq şirkətlər ciddi yatırımlar edirlər: “McKinsey”nin hesabatına əsasən 2030-cu ilə kimi bu sahənin 5 trilyon ABŞ dollarına qədər genişlənməsi gözlənilir. Texnologiya sahəsində bu istiqamətə olan marağı nəzərə alaraq Azexport və DTH platformalarının da VR formatında xidmətlərinin təqdim olunması qərarına gəldik. Bu məqsədlə “MTradeVerse” platformasında interaktiv avatarlar, virtual reallıq və süni intellektə uyğun, fərdiləşdirilə bilən 3D məkanlar təqdim edən ilk rəqəmsal bina yaradılıb”.

VTB-də yüksək depozit faizləri daha çox qazandırır

Qeyd edək ki, Azexport.az portalı və Rəqəmsal Ticarət Qovşağı hazırda Türkiyənin “MTRadeVerse” platforması ilə əməkdaşlıq edir. Növbəti aydan tam istifadəyə verilməsi nəzərdə tutulan iki mərtəbəli müstəqil inzibati binada məlumat masası, məhsul qalereyası, xidməti otaqlar, iclas zalı və açıq sahədən ibarət innovativ sərgi zalı 24 saat ziyarətə açıq olacaq. Bu məkanda tədbirlərin təşkili, yeni brendlərin təqdimatı, xidmət və məhsulların ziyarətçilərə təqdim olunması kimi imkanlar mövcuddur.

İİTKM-in innovativ layihələri olan Azexport.az və DTH platforması Türkiyənin “MTRadeVerse” platforması ilə birgə həyata keçirdikləri layihənin başlıca məqsədi yerli şirkətlərin VR formatda sərgi zalının yaradılması, VR formatda alış-veriş, konferanslara spiker və ya dinləyici kimi qatılmaq, təlim və seminarlarda iştirak etmək imkanın yaradılması nəzərdə tutulub.

05.01.2023 16:42

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az