Ən yuxarı statik reklam_3
Ən yuxarı (mobil)-2_30

Azərbaycandakı strateji əhəmiyyətli stansiya peyk interneti ilə təmin olunub

iç səhifə xəbər başlığı altı (mobil)_31
Azərbaycandakı strateji əhəmiyyətli stansiya peyk interneti ilə təmin olunub

Cənubi Qafqaz Boru Kəmərinin (CQBK) Azərbaycan hissəsində yerləşən strateji əhəmiyyətli Ərsin Buraxma Stansiyası zəruri peyk interneti rabitəsi ilə təmin olunub.

 “SOCAR Midstream Operations” MMC-dən Marja-ya daxil olmuş məlumata görə, bununla bağlı CQBK-nın operatoru olan “SOCAR Midstream Operations” şirkəti ilə Azərkosmos arasında əməkdaşlıq müqaviləsi imzalanıb.

Stansiya ənənəvi rabitə vasitələrinin əhatə dairəsi xaricində yerləşir. Peyk internetindən istifadə ucqar ərazilərlə əlaqəni gücləndirməklə CQBK-nın texniki operatorluğunun keyfiyyətini daha da yaxşılaşdırıb.

İnternet xidmətləri “Azerspace-1” peykinin “Azconnexus” platforması vasitəsilə göstərilir.

“Azconnexus” platforması Azərkosmosun operatoru olduğu “Azerspace-1” telekommunikasiya peyki üzərindən fasiləsiz, təhlükəsiz və yüksək keyfiyyətli internet xidməti təqdim edir. Bu platforma istifadəçilərə peyk interneti vasitəsilə video, audio və data daxil olmaqla müxtəlif trafik növlərindən faydalanmağa imkan verir.

Qeyd edək ki, SOCAR-ın törəmə müəssisəsi olan “SOCAR Midstream Operations” şirkəti CQBK-nın kommersiya və texniki operatorudur.

CQBK-nın səhmdarları: bp (29,99%), SOCAR (14,35%), “Cənub Qaz Dəhlizi” QSC (6,67%), LUKOIL (19,99%), TPAO (19%) və NICO (10%).

CQBK dünya səviyyəli boru kəməridir və 2006-cı ildən etibarən təhlükəsiz, etibarlı və səmərəli şəkildə fəaliyyət göstərməklə Azərbaycan, Gürcüstan və Türkiyənin regional bazarlarına qaz nəql edir.

CQBK Türkiyəyə (ildə 6 mlrd. kubmetr) və Avropaya (ildə 10 mlrd. kubmetr) Şahdəniz-2 layihəsi çərçivəsində qaz həcmlərinin ixracı məqsədilə əlavə olaraq genişləndirilmişdir. Genişləndirilmiş boru kəməri ilə 2018-ci ilin iyun ayında Türkiyəyə kommersiya qaz həcmlərinin nəqlinə başlanılıb. 2020-ci ilin dekabr ayında ilk dəfə olaraq CQBK vasitəsilə Şahdəniz-2 qazının Avropaya ixracına başlanılıb. CQBK ixrac sistemi Azərbaycanda 443 km, Gürcüstanda 248 km boru kəmərindən ibarətdir. Sistemə həmçinin Azərbaycanda iki kompressor stansiyası, Gürcüstanda iki kompressor stansiyası və iki nəzarət-ölçü qovşağı daxildir.

peyk interneti SOCAR Midstream Operations
15.12.2022 11:32
📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az

Müştərilərin xəbərləri

Mobil-manshet-alt3_22
Mobil əsas səhifə 4-cü2_27
Mobil əsas səhifə 5-ci-2_28
Mobil əsas səhifə 6-ci_29
Manşetin sağı-2_5
Esas-sehifede-reklam-3_8
Əsas səhifədə 3-cü reklam_10
Xəbər mətn sağ 1-ci-2_15
Xəbər mətn sağ 2-ci2_16
Xəbər mətn sağ 3-cü-2_17
Xəbər mətn sağ -18_18
InvestAZ