Hindistan Mərkəzi Bankı faiz dərəcəsini maksimuma qaldırdı

Hindistan Mərkəzi Bankı faiz dərəcəsini maksimuma qaldırdı

Hindistan Ehtiyat Bankı (RBI, Mərkəzi Bank) çərşənbə günü əsas faiz dərəcəsini 35 bənd artıraraq 6,25%-ə çatdırıb.

Hindistan Mərkəzi Bankı faiz dərəcəsini maksimuma qaldırdı

Hindistan Ehtiyat Bankı (RBI, Hindistan Mərkəzi Bankı) ardıcıl beşinci iclasında da əsas faiz dərəcəsini artıraraq, 2019-cu ilin mart ayından bəri ən yüksək səviyyəyə çatdırıb.

Marja xəbər verir ki, REPO dərəcəsi 35 baza bəndi (bp) artırılaraq illik 6,25%-ə çatdırılıb. "The Wall Street Journal"ın sorğusuna qatılan ekspertlər də faiz artımının 35 baza bəndi olacağını proqnozlaşdırırdılar.

VTB-də minimal faiz dərəcəsi ilə nağd kredit 10.49%-dən

Hindistan Mərkəzi Bankı ölkənin aprel ayında başlayan cari maliyyə ili üçün ÜDM artımı proqnozunu 7%-dən 6,8%-ə endirib və inflyasiya proqnozunu 6,7%-də saxlayıb.

RBI rəhbəri Şaktikanta Das bildirib ki, Hindistan iqtisadiyyatı üçün artım proqnozu, gözləntilərin pisləşməsinə baxmayaraq, qlobal fəaliyyətdə ümumi azalma nəzərə alınmaqla kifayət qədər güclüdür.

“Biz inflyasiya ilə mübarizəni davam etdirməliyik",- o deyib.

"Pul Siyasəti Komitəsi (MPC) yekdilliklə repo dərəcəsinin 35 baza bəndi artırılaraq 6,25%-ə yüksəldilməsinə səs verib. Faiz artımı inflyasiyanın hədəf daxilində saxlanmasına və iqtisadi artımın təmin olunmasına xidmət edəcək", - " The Economic Times " qəzeti yazır .

Oktyabrda Hindistanda istehlak qiymətləri illik müqayisədə 6,8% artıb. Sentyabrda inflyasiya 7,4% təşkil etmişdi. İnflyasiya Mərkəzi Bankın hədəf diapazonundan (2-6%) yuxarı qalmaqdadır.

RBI cari sərtləşdirmə dövrünə may ayında, təxminən dörd il ərzində ilk dəfə dərəcələri 40 bənd artırdığı zaman başlayıb. Bunun ardınca Mərkəzi Bank iyun, avqust və sentyabr aylarında uçot dərəcəsini hər dəfə 50 baza bəndi artırıb.

07.12.2022 12:56

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az