Dünya iqtisadiyyatı son 30 ilin ən pis vəziyyəti ilə üzləşə bilər

Bloomberg Economics-in məlumatına görə, Ukraynada müharibə və enerji şokları davam etdiyi üçün dünya iqtisadiyyatı son 30 ilin ən pis dövrünü yaşamaq riski ilə üzləşib.

Dünya iqtisadiyyatı son 30 ilin ən pis vəziyyəti ilə üzləşə bilər

"Bloomberg Economics"in analitiki Skot Consonun (Scott Johnson) təhlilinə görə, 2022-ci ildə 3,2 faiz artacağı gözlənilən qlobal iqtisadiyyat 2023-cü ildə yalnız 2,4 faiz artacaq. Bu temp 2009 və 2020-ci il böhranları istisna olmaqla, 1993-cü ildən bəri ən aşağı artım tempi ola bilər.

Bununla belə, artım rəqəmləri ölkəyə görə fərqli olacaq, Avro Bölgəsində tənəzzül 2023-cü ildə başlayacaq və "Sıfır Kovid" siyasətinin sona çatması ilə Çin iqtisadiyyatının 5 faizdən çox böyüməsi gözlənilir.

Bununla belə, mərkəzi bankların pul siyasətinin fərqli olacağı qeyd edilib.

Conson pul siyasətləri ilə bağlı, "2022-ci ildə Fed və digər bir çox mərkəzi banklar məhdudlaşdırıcı sahəyə doğru hərəkət edirlər, 2023-cü ildə yolların ayrılacağınıı görəcəyik. ABŞ-da maaş artımları inflyasiyanı hədəfin üzərində saxlamağa davam edəcək. FED-in faizi 2024-cü ildə 5 faizə çatacaq. İlin ilk rübünə qədər orada qalacağını düşünürük.

Avrozonada inflyasiyanın sürətlə aşağı düşəcəyini gözləyirik. Bölgənin gələn ilə tənəzzüllə başlayacağını və yüksək enerji qiymətləri və sərt maliyyə şərtləri səbəbindən iqtisadi artımın il boyu sabit qalacağını proqnozlaşdırırıq. İnflyasiyanın sürətli enişinin 2023-cü ilin sonunda faiz dərəcələrinin azaldılmasına səbəb olacağını gözləyirik",- bildirib.

Conson qeyd edib ki, Çinin "Sıfır Kovid" siyasətindən çıxması və daşınmaz əmlak sektoruna verilən dəstək 2023-cü ildə iqtisadi artımı 5,1 faizə yüksəldə bilər.

06.12.2022 18:39

📲 İndi
Marja.az-ın Telegram kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az