Dekabrın 4-də keçiriləcək OPEC+ iclasının iştirakçıları neft sazişinin parametrlərində heç bir dəyişiklik etməyəcəklər, çünki hələlik qəti tədbirlərə ehtiyac yoxdur.

Marja xəbər verir ki, bunu RİA Novosti-yə müsahibə verən ekspertlər bildiriblər.

"BCS World of Investments"in baş analitiki Ronald Smit, "OPEC+-ın dekabr toplantısından hər hansı hasilat dəyişikliyi gözləmirəm. Alyans üzvləri hasilatın azaldılması səviyyəsində dəyişikliyi müzakirə etməyə də bilər" deyib.

Smit hesab edir ki, qiymətlər qalıcı şəkildə bir barel üçün 80 dollardan aşağı düşərsə, o zaman 2023-cü ildə keçiriləcək növbəti görüşdə hansısa razılaşdırılmış qərarın qəbul edilməsini gözləmək olar.

"Alfa Capital"ın portfel meneceri Dmitri Skryabin hesab edir ki, neft qiymətlərinin bir barel üçün 90 dollara yaxınlaşmasını və Çində Kovid məhdudiyyətlərinin yumşaldılmasını nəzərə alsaq, dekabrda qətiyyətli tədbirlərə ehtiyac yoxdur.

"Kept"in idarəedici partnyoru Anton Usov hesab edir ki, OPEC+ sazişinin cari parametrlərin (Avqust səviyyəsindən gündəlik 2 milyon barel azaldılmasını nəzərdə tutur) dəyişməz saxlanılacaqdır. 

Usov əlavə edib ki, yaxın gələcəkdə neft bazarı OPEC+ alyansının geosiyasi şəraitlə əlaqəli hərəkətlərindən, habelə qəbul edilən tavan qiymətdən sonra  Rusiyanın neftini satmamaq qərarından təsirlənə bilər.

OPEC+ SAZİŞİNİN CARİ PARAMETRELƏRİ

OPEC+ 2020-ci ilin may ayında pandemiyanın səbəb olduğu neftə tələbatın azalması səbəbindən gündəlik neft hasilatını 9,7 milyon barel azaltmışdı. Bu ilin avqustundan alyans bu ixtisardan çıxmaq üçün son mərhələyə keçmiş, lakin noyabr ayından etibarən OPEC+ hasilatı yenidən avqust ayının səviyyəsindən gündəlik 2 milyon barel azaldılması barədə qərar qəbul etmişdir.

Sövdələşmə iştirakçıları qərarlarını dünya iqtisadiyyatı ilə bağlı proqnozların qeyri-müəyyənliyi və müvafiq olaraq neftə tələbatın azalması perspektivləri ilə izah ediblər. Belə ki, oktyabrın sonunda OPEC-in baş katibi Haysham əl-Qais bildirib ki, OPEC+ 2022-ci ilin dördüncü rübündə və 2023-cü ilin əvvəlində neft bazarında profisit proqnozlaşdırır və bu səbəbdən hasilatı yenidən azaltmaq qərarına gəlib.

Dekabrın 4-də Alyans eyni anda iki iclas keçirəcək - neft sazişinin gələcək parametrləri üzrə tövsiyə verən OPEC+ Nazirlərin Monitorinq Komitəsinin (Bakı vaxtı ilə saat 15.00-da başlayacaq) və bu tövsiyəni təsdiqləyən bütün alyans nümayəndə heyətlərinin rəhbərlərinin (Bakı vaxtı ilə saat 16.00-da başlayacaq). Hər iki iclas onlayn rejimdə keçiriləcək.

Media daha əvvəl yazmışdı ki, OPEC+-ın dekabr iclaslarının videokonfrans vasitəsilə keçirilməsi qərarı alyansın neft sazişinin parametrlərində dəyişiklik planlaşdırmaması ilə bağlıdır. Belə ki, “Reuters” mənbələrə istinadən yazıb ki, OPEC+ neft hasilatının azaldılmasını eyni səviyyədə saxlayacaq.