Dünyanın ən böyük xam neft idxalçısı olan Çinin bir sıra böyük şəhərlərində karantin tədbirlərinə qarşı etirazlar ilə əlaqədar olaraq narahatlıqların artması nəticəsində neft qiymətləri bazar ertəsi günü təxminən son 11 ayın ən aşağı səviyyəsinə düşüb.

Marja xəbər verir ki, Brent neftinin fyuçersləri 2,8% azalaraq barreli 81,29 dollara, Qərbi Texas markalı neftin fyuçersləri 3% azalaraq barreli 74,02 dollara düşüb (Bakı vaxtı ilə saat 08:07-yə olan məlumat). Hər iki müqavilə keçən həftə kəskin geriləyib və hazırda yanvarın əvvəlindən bəri ən aşağı səviyyədə ticarət edilir. 

Həftə sonu Çinin bir neçə böyük şəhərində vətəndaş iğtişaşları başlayıb. Mülki vətəndaşlar ölkənin sərt sıfır-COVID siyasətindən  narazılıqlarını ifadə etmək üçün küçələrə çıxıblar.

Etirazlar, son iki ay ərzində tətbiq edilən yeni COVID məhdudiyyətlərdən sonra baş verir, çünki Çin bir daha rekord səviyyəli gündəlik yoluxma faktları ilə mübarizə aparır. Bu, həm də dünyanın ən böyük neft idxalçısında tələbin zəifləməsi proqnozu ilə xam neft bazarlarını sarsıdır.

Ölkənin xam neft idxalı bu il azalıb. Çinin neft ixrac kvotalarını artması da yerli istehlakın zəif olduğun işarədir.

Son etirazlar həm də on il əvvəl prezident Xi Jinping hakimiyyətə gəldikdən bəri Çində nadir hallarda müşahidə olunan vətəndaş itaətsizliyidir. Çin hökumətinin ciddi karantin tədbirləri bu il iqtisadi artımı zəiflədib.

Qiymətlər idxalçılar Çin və Hindistanın Rusiyadan ciddi endirimlər ilə xam neft almalarının təzyiqi altındadır.Qərb ölkələri isə Moskvanın neft ixracına qiymət tavanı (məhdudiyyət) tətbiq etməyə çalışır.

Təchizat tərəfində diqqət indi Neft İxrac Edən Ölkələr Təşkilatının və onun müttəfiqlərinin (OPEC+) bu həftənin sonunda keçiriləcək görüşünə yönəlib. Oktyabr ayında kartel gündəlik hasilatın 2 milyon barel azaldılacağını elan edib və neft qiymətlərini dəstəkləmək üçün daha çox belə addımlar atacağını vəd edib. Qiymətlərin OPEC+un oktyabr qərarına təkan verən səviyyələrdən xeyli aşağı olduğunu nəzərə alsaq, kartel hasilatı daha da azalda bilər. 

Neft qiymətləri ABŞ Federal Ehtiyat Sisteminin (FED) gələcək aylarda faiz dərəcələrini daha yavaş artıracağına dair artan gözləntilər fonunda dolların son ucuzlaşmasından bir qədər rahatlayıb.  Bu ssenari, çox güman ki, ABŞ-ın iqtisadi artımının yavaşlaması ilə bağlı narahatlıqları da azaltmağa kömək edəcək.

Qeyd edək ki, COVID etirazları fonunda Çin səhmləri və yuan ucuzlaşıb.