General Electric və Baker Hughes birləşdi

General Electric və Baker Hughes birləşdi

General Electric və Baker Hughes birləşdi

General Electric, neft sahələrinə xidmət göstərən Baker Hughes şirkətinin 62.5 faiz səhmini təxminən 7.4 milyard dollar qarşılığında satın alıb.

"Marja" xəbər verir ki, 137 milyard dollar illik gəlirə malik olan General Electric, öz nəzdindəki neft və qaz departamentlərini də Baker Hughes ilə birləşdirib.

23 milyard dollara çatan mənfəətlə, 2014-ci ildə Baker Hughes-i satın almağa çalışan, ancaq bacarmayan Halliburton-u geridə qoyan General Electric, sektorun ən böyük oyunçusu Schlumberger-dən sonra neft sahələri xidmətlərində dünyanın ən böyük 2-ci şirkəti oldu.

GE ve Baker Hughes tərəfindən açıqlamaya görə, birləşmə, "Neft və qaz sahəsində avadanlıq, xidmət və rəqəmsal həllləri bir araya gətirdiyi" üçün dünyanın ilk və yeganə nümunəsi xarakterindədir.

120 ÖLKƏDƏ FƏALİYYƏT GÖSTƏRƏCƏK

Digər tərəfdən, General Electric, satın aldığı Baker Hughes markasına sadəcə, "bir GE şirkəti" ifadəsi əlavə etməklə toxunub. Yeni quruluş Birjada da BHGE adı ilə əməliyyat görməyə başlayıb.

Birləşmə öncəsi 90 ölkəya yayılan Baker Hughes, General Electric sayəsində 120 ölkəyə çatacaq. Cəmi personal sayı da iki misli artaraq 70 minə çatan şirkətinn İcraçı direktor və Sədr kreslosunda isə General Electric-in Neft və qaz əməliyyatlarının başında duran Lorenzo Simonelli oturacaq. İdarə Heyətində 14 rəhbər şəxsdən 5-i isə Baker Hughes-dən olacaq.

Simonelli, çox böyük bir boşluğu doldurduğunu qeyd edərək istehsal məhsuldarlığında çox ciddi sıçrayış gözlədiklərini deyib.

Şirkət, 2020-ci ildən Hyustonda olan 40 obyektdən bəzilərini bağlamağı və 2020-ci ilədək əməliyyat xərclərindən illik 1.2 milyard dollar qənaət etməyi gözləyir.

Yeni Baker Hughes şirkətinin idarəetmə mərkəzləri isə London və Hyustonda olacaq.

04.07.2017 09:46