İnvestorlara 15% gəlir təklifi - BOKT istiqraz emissiya edib

İnvestorlara 15% gəlir təklifi - BOKT istiqraz emissiya edib

İnvestorlara 15% gəlir təklifi - BOKT istiqraz emissiya edib

2020-ci ildən başlayaraq fəaliyyətini aktivləşdirən “REGIONAL” Bank Olmayan Kredit Təşkilatı MMC investorlardan ikinci dəfə maliyyə vəsaiti cəlb edir. Ötən il istiqrazlar vasitəsilə 420 min manat cəlb etmiş şirkətin yenidən maliyyə vəsaitinə ehtiyacı yaranıb. Səbəb təşkilatın satışının artmasıdır.

“REGIONAL” Bank Olmayan Kredit Təşkilatı MMC-nin direktoru Bəşir Cəbrayılov Marja.az-a bildirib ki, BOKT-un yeni istiqraz emissiyası dövlət qeydiyyatından keçib:

"Sayı 1000 ədəd, hər birinin nominal dəyəri 500 manat olan faizli, təminatsız, sənədsiz, adlı istiqrazlar üzrə illik 15% gəlirlilk nəzərdə tutulub. Faizlərin ödənişi hər ay aparılacaqdır. Qiymətli kağızları təşkilata müraciət etməklə əldə etmək mümkündür" (050 206 50 16 və 012 510 11 30, www.regionalbokt.az).

Bəşir Cəbrayılov qeyd edib ki, istiqrazların satışı qapalı şəkildə, birjadankənar həyata keçiriləcək.

KREDİT PORTFELİ TƏXMİNƏN 2 DƏFƏ ARTIB

“REGIONAL” Bank Olmayan Kredit Təşkilatı 2014-cü ildən Azərbaycan Mərkəzi Bankının xüsusi lisenziyası əsasında fəaliyyət göstərir. 2021-ci ildən başlayaraq təşkilat satışlarını artırır.

Bəşir Cəbrayılovun verdiyi məlumata görə, ötən ilin noyabr ayında “REGIONAL” BOKT-un kredit portfeli (müştərilərə verilmiş kredilər) təxminən 750 min manat ikən, hazırda 1,4 milyon manata çatıb:

"Pandemiyadan sonra iqtisadi aktivlik sürətlə bərpa olunub. Həm əhalinin, həm də kiçik və orta biznesin kreditlərə tələbatı artıb. Təşkilatımız istiqrazların yerləşdirilməsilə cəlb edəcəyi vəsaiti kreditləşdirmənin artırılmasına yönəldəcəkdir".

“REGIONAL” BOKT xidmət şəbəkəsini qurmağı, tezliklə ilk filialını istifadəyə verməyi də planlaşdırır.

17.11.2022 10:35

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az