“Fire Safety” şirkəti yanğınsöndürən balonları yararsız maddələr ilə doldurub - FƏALİYYƏTİ DAYANDIRILDI

“Fire Safety” şirkəti yanğınsöndürən balonları yararsız maddələr ilə doldurub - FƏALİYYƏTİ DAYANDIRILDI

“Fire Safety” şirkəti yanğınsöndürən balonları yararsız maddələr ilə doldurub - FƏALİYYƏTİ DAYANDIRILDI

Fövqəladə Hallar Nazirliyinin (FHN) Dövlət Yanğın Nəzarəti Xidməti (DYNX) ciddi pozuntular aşkarlanmış müəssisənin fəaliyyətini məhdudlaşdırıb.

Marja xəbər verir ki, bu barədə FHN-dən məlumat verilib.

Bildirilib ki, “Yanğınsöndürmə ləvazimatının, ilkin yanğınsöndürmə vasitələrinin təmiri və onlara xidmət, yanğınsöndürmə vasitələrinin keyfiyyətinin bərpası” fəaliyyət növü üzrə lisenziyaya malik Bakı şəhəri, Nizami rayonunda yerləşən “Fire Safety Caspian Azerbaijan” MMC-də ilkin yanğınsöndürmə vasitəsi olan yanğınsöndürən balonların doldurulması və ya tərkibinin yenilənməsində istifadə olunan quru kimyəvi toz maddələrdən götürülmüş nümunələr Fövqəladə Hallar Nazirliyinin Yanğınların Tədqiqatı və Sınaq Laboratoriyasında laborator müayinələrdən keçirilib.

Laboratoriya sınaqlarının nəticəsində məlum olub ki, sözügedən maddələrin kimyəvi tərkibi normativ tələblərə cavab vermir və yanğınların söndürülməsində yararsız olmaqla yanaşı insan həyatı və sağlamlığı üçün təhlükəlidir.

Qeyd olunanları nəzərə alaraq, qüvvədə olan qanunvericiliyin tələblərinə uyğun olaraq lisenziya üzrə fəaliyyət sahəsində ciddi qanun pozuntusuna yol vermiş “Fire Safety Caspian Azerbaijan” MMC-nin yanğınsöndürmə balonlarının doldurulması və ya tərkibinin yenilənməsi üzrə fəaliyyətinin dayandırılması barədə Qərar qəbul olunub və aşkar olunmuş pozuntuya hüquqi qiymət verilməsi üçün aidiyyəti üzrə hüquq-mühafizə orqanına müraciət olunub.

Bununla yanaşı, fəaliyyət növünün həyata keçirilməsi zamanı müəssisə tərəfindən qanunların tələblərinə və lisenziyanın şərtlərinə riayət edilməməsi hallarının aşkar olunması səbəbindən lisenziyanın dayandırılması və ləğvi üçün lisenziya verən orqana əsaslandırılmış təqdimat göndərilib.

15.11.2022 12:37

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az