Bakı limanı: Yüklərin Zəngəzur dəhlizi ilə daşınması ikiqat ucuz başa gələcək

Bakı limanı: Yüklərin Zəngəzur dəhlizi ilə daşınması ikiqat ucuz başa gələcək

Bakı limanı: Yüklərin Zəngəzur dəhlizi ilə daşınması ikiqat ucuz başa gələcək

Zəngəzur dəhlizinin açılması Çindən ölkəmizə və region ölkələrinə dənizlə gələn yüklərin vaxt baxımından iki həftə daha tez çatmasına imkan verəcək.

Bunu "Bakı Beynəlxalq Dəniz Ticarət Limanı”nın Strateji Planlama və İnkişaf Departamentinin müdiri Xudayar Həsənli jurnalistlərə bildirib.

VTB-də minimal faiz dərəcəsi ilə nağd kredit 9.9%-dən

Onun sözlərinə görə, vaxta qənaət edilməsi ilə yanaşı, bu, qiymətə də öz təsirini göstərəcək.

"Türkiyənin Mersin limanı üzərindən yüklər Zəngəzur dəhlizi ilə daşınsa bu, ikiqat ucuz başa gələcək. Eyni zamanda sərhəd keçid məntəqəsinin olmaması da vaxta və xərcə təsir edəcək", - departament rəhbəri qeyd edib.

O əlavə edib ki, qlobal logistikada olduğu kimi regional logistikada da Zəngəzur dəhlizi vaxt və vəsait qənaəti baxımından önəmlidir: "Türkiyədən gələn TIR-lar Naxçıvandan Zəngəzur dəhlizi ilə Bakı limanına və oradan Asiyaya, eyni zamanda əksinə daha az vaxtda gedəcək və xərc də azalacaq".

Xudayar Həsənli onu da əlavə edib ki, Zəngəzur dəhlizi Orta Asiya ölkələrinin gübrə məhsullarının daşınması baxımından da vacibdir. Gübrə məhsullarının Afrika ölkələrinə daşınması vaxtı azalır, çünki Gürcüstanın Poti limanı vasitəsilə daşınma daha böyük vaxt və xərc tələb edir.

Bu il 6 mln. tona yaxın yükaşırmağı planlaşdırır

"Bakı Beynəlxalq Dəniz Ticarət Limanı” bu il 6 mln. tona yaxın yükaşırmağı planlaşdırır.

Bunu "Bakı Beynəlxalq Dəniz Ticarət Limanı”nın Strateji Planlama və İnkişaf Departamentinin müdiri Xudayar Həsənli jurnalistlərə bildirib.

Onun sözlərinə görə, bu il liman üzrə yükaşırmada 10-12% artım gözlənilir.

Xudayar Həsənli onu da əlavə edib ki, bu ilin 10 ayında liman tərəfindən 5 mln. 357 min tona yaxın yük asırılıb, bu da 14%-ə yaxın artım deməkdir.

İllik 13.99%-dən 40 000 AZN-dək zaminsiz komissiyasız kredit!

APA

14.11.2022 14:41