"Bank BTB" ASC 2022-ci ilin 3-cü rübü üzrə maliyyə göstəricilərilə bağlı press-reliz yayıb.

Press-relizdə qeyd edilib ki, hesabat tarixinə cəmi aktivlər 361 milyon 438.35 min manat təşkil etmişdir. Bu isə ötən rüblə müqayisədə 2% artım deməkdir.

3-cü rübün nəticələrinə görə faiz gəlirləri ötən rüblə müqayisədə 49% artaraq 19 milyon 861.17 min manat, faiz xərcləri 12 milyon 731.42 min manat, qeyri-faiz gəlirləri 44% artaraq 3 milyon 890.5 min, qeyri-faiz xərcləri 10 milyon 861.28 min olmuşdur. Bununla da əməliyyat mənfəəti 115% artaraq 158.97 min manat təşkil etmişdir. 

Digər göstərici bankın depozit portfelinin artmasıdır ki, qeyd olunan dövrdə bankın depozit portfeli 137 milyon 354.15 min manat təşkil etmiş,  ötən ilin həmin dövrü ilə müqayisədə 7% artmışdır.

3-cü rüb ərzində Bank BTB tərəfindən 30 milyon 444.07 min manat kredit verilib. Ümumi satışın 10%-ni ARİKZF hesabına verilən ipoteka kreditləri, 44%-ni istehlak kreditləri, 46 %-ni sahibkarlıq subyektlərinə verilən kreditlər təşkil edib. Bununla da kredit portfeli 1% artaraq 254 milyon 161.39 min manat təşkil etmişdir.

"Eyni zamanda qeyd etmək istərdik ki, bank kredit portfelinin dayanıqlılığının artırılması məqsədilə cari ilin yanvar ayından etibarən 5 milyon 872.55 min manat ehtiyat yaratmışdır. Bu da gələcəkdə kredit portfelində yarana biləcək risklərin qarşısının alınması məqsədilə görülən tədbirdir",- press-relizdə bildirilir.

Hesabat dövrünə bankın məcmu kapitalı 53 milyon 67.07 min manat təşkil edir. Bankın ani likvidlik əmsalı 110.55% təşkil edir ki, bu da AMB-nin tələb etdiyi min normadan 3 dəfədən çoxdur. 

Bank “BTB” ASC Azərbaycan Respublikasının Mərkəzi Bankı tərəfindən verilmiş 19.03.2010-cu il tarixli 254 nömrəli lisenziya əsasında fəaliyyət göstərir. Bank Bakı, Gəncə və Sumqayıt şəhərlərində yerləşən ümumi 8 xidmət nöqtəsilə müştərilərə korporativ və pərakəndə bankçılıq sahəsində məhsul və xidmətlərini təqdim edir.