“Veysəloğlu Distribusiya”nın rəhbər heyəti Polşada işgüzar səfərdə olub

“Veysəloğlu Distribusiya”nın rəhbər heyəti Polşada işgüzar səfərdə olub

30-dan çox Polşa şirkəti ilə danışıqlar aparılıb.

“Veysəloğlu Distribusiya”nın rəhbər heyəti Polşada işgüzar səfərdə olub

(®) Veysəloğlu Şirkətlər Qrupuna daxil olan “Veysəloğlu Distribusiya” şirkəti, “Araz” supermarketlər şəbəkəsi və “OBA” marketlər şəbəkəsinin nümayəndə heyəti Polşada işgüzar səfərdə olub. Səfər Polşa Respublikasının Kənd Təsərrüfatına Dəstək Milli Mərkəzinin və Bakıdakı Səfirliyinin təşkilatçılığı ilə həyata keçirilib.

Nümayəndə heyətləri 30-dan çox Polşa şirkəti ilə danışıqlar aparıblar.

VTB-də minimal faiz dərəcəsi ilə nağd kredit 10.49%-dən

“Veysəloğlu Distribusiya” şirkəti ilə görüşlər zamanı Polşanın iri qida istehsalçıları ilə gələcək əməkdaşlıq perspektivləri, əməkdaşlıq məqsədilə müqavilələr, yaranmış logistik və tədarük zənciri problemləri ilə əlaqədar olaraq alternativ həllər çərçivəsində Polşa istehsalı məhsullarının Azərbaycana gətirilməsi kimi mövzular müzakirə edilib, böyük qida istehsalı müəssisələri ziyarət olunub. Effektiv və daimi əməkdaşlığın qurulması məqsədilə tərəflər arasında gələcəkdə də görüşlərin keçirilməsi nəzərdə tutulub.

“Veysəloğlu Distribusiya” şirkəti fəaliyyətinə 1994-cü ildə Türkiyədən qida məhsullarının idxalı ilə başlayıb və Veysəloğlu Şirkətlər Qrupunun təməli bu şirkət ilə qurulub. 1997-ci ildən etibarən şirkət öz fəaliyyətini genişləndirərək dünyanın bir çox tanınmış markalarının nümayəndəliklərini alıb və hazırda 3825 çeşiddə məhsulun ölkə üzrə distribusiyasını həyata keçirir. Şirkət Bakıda yerləşən baş ofisi ilə yanaşı, Mingəçevir və Salyanda yerləşən regional ofisləri və 2300 nəfərdən çox əməkdaşı ilə xidmət göstərir.

Veysəloğlu Şirkətlər Qrupu pərakəndə, logistika, distribusiya və istehsalat sahələrində fəaliyyət göstərir. Hazırda Şirkətlər Qrupunun 19.000 nəfərdən çox əməkdaşı var. 2022-ci ildə dünyada tanınmış konsaltinq şirkətlərindən biri olan Deloitte şirkətinin Azərbaycanda ilk dəfə olaraq təşkil etdiyi nüfuzlu Best Managed Companies müsabiqəsində Veysəloğlu Şirkətlər Qrupu qaliblərdən biri elan edilib.