İndi hamı özü üçün yaşayacaq - Yeni onlayn market xidməti

İndi hamı özü üçün yaşayacaq - Yeni onlayn market xidməti

"İndi Market" onlayn market konseptinə yeniliklərlə gəlir.

İndi hamı özü üçün yaşayacaq - Yeni onlayn market xidməti

(®) Divanda yerini rahatlayıb, televizorda sevimli verilişini izləyərkən narahat edilmək heç xoş deyil. Yorğun-arğın işdən qayıdanda telefona gələn təcili bazarlıq mesajından isə danışmağa dəyməz. Hələ evin sonbeşiyisənsə, günün ikiqat qaradır: evdə kiməsə nəsə lazım olan kimi marketə göndərilir, ev-market yolunda təpik döyürsən.

Bu problemlərin artıq geridə qaldığını desək? Yeni onlayn market xidməti – “İndi Market” gündəlik bazarlıqda ən yaxın köməkçin olmağa iddialıdır. 10 mindən çox yüksək keyfiyyətli məhsuldan ibarət geniş seçim imkanı, etibarlı və sürətli çatdırılma, 24/7 xidmət, müxtəlif kampaniyalar və endirim aksiyaları səni gözləyir.

Əlini aza alışdırmaq da lazım deyil: rahatca aylıq bazarlığını elə, həcmindən asılı olaraq sifarişlər moped, motosiklet, minivan və ya yük maşını ilə düz qapına çatdırılır.

Bundan sonra dostlarınla kino, futbol axşamlarına yığışmaq da iki vur iki qədər asandır. Bunun üçün mobil tətbiqdə tematik mövzularda hazır kombo setlər mövcuddur.

Qonaqlarına öz əlləri ilə süfrə açmaq istəyənlər də yaddan çıxmayıb. “İndi Market” dadlı reseptləri ilə bu işi də asanlaşdırır. Təamın hazırlanma qaydası və inqridiyentinə uyğun bazarlıq imkanı var. Bir toxunuşla reseptdəki ərzaqlar dəqiq ölçüsü ilə alış-veriş səbətinə əlavə edilir.

Bundan başqa, “İndi Market” çatdırılmaları ancaq özünə aid anbarlardan həyata keçirir. Bu isə o deməkdir ki, məhsullar daha əlçatandır, bir məhsul üçün şəhərin müxtəlif marketlərini gəzməyə ehtiyac yoxdur.

Cəlbedici imkanlardan yararlanmağa tələsirsənsə, “Appstore” və ya “Play Store”dan “İndi Market” tətbiqini smartfonuna yüklə, səbətini lazım olan məhsullarla doldur. Ən qısa müddətdə kuryer qapını döyəcək.

Qalıq, nağd dərdi də çəkmə: POS-terminal, nağd və ya bank kartı ilə onlayn ödəniş mümkündür.

İndi vaxtını düzgün planlamaq öz əlindədir.

15.10.2022 16:24

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az