Vergi və sosial sığorta ödənişlərini hesaba qaytaran sığortaya maraq artıb

Vergi və sosial sığorta ödənişlərini hesaba qaytaran sığortaya maraq artıb

Vergi və sosial sığorta ödənişlərini hesaba qaytaran sığortaya maraq artıb

Həyatın yaşam sığortası üzrə hesablanmış sığorta haqları kəskin artıb.

Marja.az Mərkəzi Banka istinadən xəbər verir ki, həyatın yaşam sığortası üzrə hesablanmış sığorta haqları 2022-ci ilin 8 ayında (yanvar-avqust) ötən ilin eyni dövrü ilə müqayisədə 75 milyon 669 min manat və ya 40,2% artaraq263 milyon 970 manat təşkil edib. Ötən ilin 8 ayında həyatın yaşam sığortası üzrə 188 milyon 301 min manatlıq sığorta haqqı hesablanmışdı.

Həyatın yaşam sığortası üzrə sığorta ödənişləri isə 2021-ci ilin yanvar-avqust dövründə 188 milyon 154 min manat ikən, 2022-ci ilin yanvar-avqust dövründə 155 milyon 446 min manat olub.

Həyatın ölüm halından sığortası üzrə hesablanmış sığorta haqları isə ötən ilin 8 ayındakı 26 milyon 420 min manatdan, cari ilin 8 ayında 17 milyon 309 min manata düşüb. Sığorta ödənişləri isə 2 milyon 190 min manatdan 1 milyon 858 min manata geriləyib.

4 həyat sığortası şirkətindən "PAŞA Həyat" 278 milyon 987 min manat, "Atəşgah Həyat" 33 milyon 170 min manat, "Qala Həyat" 13 milyon 719 min manat, "Meqa Həyat" isə 1 milyon 305 min manat sığorta haqları hesablayıb.

Qeyd edək ki, həyat sığortası şirkətləri könüllü həyat sığortası ilə bərabər, icbari həyat sığortası məhsulları da təklif edirlər.

Həyatın Yaşam Sığortasının şərtlərinə görə əməkhaqqınızdan çıxılan vergi və sosial sığorta ödənişləri hesabınıza qayıdır. Üstəlik, həyatınız da sığortalı olur (Daha ətraflı buradan tanış ola bilərsiniz). Belə ki, əməkhaqqınızdan müəyyən hissəni hər ay "Həyatın Yaşam Sığortası"-na yönləndirilir və 3 ildən sonra həmin məbləğdən ödənməli olan vergi və sosial sığorta ödənişləri tam şəkildə hesabınıza qayıdır. Əlavə olaraq, müddətin sonunda həyat sığortası şirkəti əmanət faizi də ödəyir.

27.09.2022 15:35

📲 İndi
Marja.az-ın WhatsApp kanalına qoşulun və xəbərlər cibinizə gəlsin.

♦️ Ən son və vacib iqtisadi xəbərlər üçün Marja - Biznes və Maliyyə Xəbərləri Portalı
♦️ Ən mühüm xəbərlər üçün Marja.az